نفساني - عرض مشاركة واحدة - :-[ هطول الثلج على وهج النيران ]-:

11-03-2020, 11:51 PM

رجلي على جمره و كبدي على موس
صديت عن وادٍ به الحبل ممسوس
و عن وجه عم يهين إبن عمه
ما قلت جعل الروس تفدا لها روس
و أدري إن سلاح الداب نابه و سمّه
ما كل جاسوسٍ نسميه جاسوس
لو نعرف اللي كَلّفَه بالمهمه
الناس نبت بروسها ريش طاووس
اللي معه دفتر سنادات و فلوس
يرهن مقابلها كرامه و ذمّه
يعطيك في الحسناء نداوات و دروس
و يصرف لك الأخلاق من راس كمّه
إن عاف ما كن الطمع فيه مغروس
و إن طمع في حاجه نسى أبوه و أمه
مآنوس يالوادي و لا أنته بمآنوس
مهم و لا فيك حاجه مهمه
يا مملكة صدري من القوس للقوس
من لا يهمك لا تشيلين همه
أهون عليّ أعيش منفي و محبوس
و لا ينبعث ريح الخيانة و أشمه
ماني بدايم رايق أخلاق و هجوس