نفساني - عرض مشاركة واحدة - :-[ هطول الثلج على وهج النيران ]-:

14-03-2020, 02:07 AM

سلام ياللي حصلت قبر آدم ؛ اللي على ذرية آدم ضايع .
و الناس بين المشتري و البايع ؛ ذرية آدم ضيعت قبر آدم .
السمن يآدم و الحبش ما يآدم ؛ يا ما أحسن الخبزة بكف الجايع :: اللي فهمته و الكلام الشايع ، السكر أبيض و الكبد حمرا دم .

رحبت و المعنى بعير معقل ؛ و عقال فوق عقال ماهو ماشي ؛ و ليا نظرنا فيه ماهو حاشي ؛ إلا بعير من الجمال البقل . يا أهل الوجيه العامرة ما يعقل ؛ ما يعقل عقاله يروح بلاشي ؛ و الله ذم المرتشي و الراشي ؛ إخذ الكلام من الكتاب المنزل

سلام و اللقمة لمن ياكلها ؛ لكن ما حلت لمن لا سمّى . ما كل ما نشبت يسلكها الما إن كان كف اليد ما تاصلها . و اللي يدورها و لا حصلها ؛ يسعى وراها في الليالي الظلما ؛ أظن ما يطلع بروحه سلمى و يموت يابس حلق ما ياصلها .

يا مرحبا و القهوة البرية اللي تكيف راس من يشربها ؛ أول زمان من اليمن مجلبها و آخر زمان القهوة إمريكية ؛ و الدعوة اللي جابها الطرقية ؛ لا صدّق القاضي و لا كذبها ؛ قالوا الشوافع نحترم مذهبها لكن نكبتنا من الشوعية .