المشاركة الأصلية كتبت بواسطة شعاع الروح

والله بعطيك طريقة قد تضبط معاك ولكن تحتاج الى تجربة انا وقت ما قطعت كنت اشغل نفسي بشي ثاني بشكل دائم يعني في بداية الايام ممكن تستخدم حب فسفسة اوعلكة اهم شي تشغل فمك بشي معين غير الزقارة

لان المسالة ومافيه هي ايحاء الى النفس ان يكون الفم مشغول بشي معين انت تستخدم الزقارة بشكل يومي سنوات , استخدم شي ثاني ممكن علكة او حب او اي شي ثاني يشغلك عن الزقارة

البعض يستخدم ملصقات النيكوتين وهذا تنباع ممكن في الصيدليات للي يرغب في الاقلاع عن التدخين ممكن تفيدك بعد

بس تخلي في بالك شغلة ان ممكن تكون ردة فعل قوية في بداية الايام خص وصا اذا كنت مدمن على التدخين سنوات يعني سبوع سبوعين شهر شهرين الين ما تعتاد على وضع جديد

ولا تخالط مدخنين ولا تشوف احد يدخن في بداية الايام لان فرص الانتكاسة قوية وانك ترجع

بالتوفيق