نفساني - عرض مشاركة واحدة - :-[ هطول الثلج على وهج النيران ]-:

19-03-2020, 09:30 PM

يا بعد شقر الذوايب و تلعات الرقاب
أنتي الحب الحقيقي ما حبيت ابعده

غاليه و أغلى سنادٍ وطت فوق التراب
غاية الشاعر و روحه و عزه و اسنده

يوم أجي مفلاك كلي تَشّوّقّ و إرتياب

مثل من واعد حبيبه و فاته موعده

عقب بُعد و غربه و شي شي من الغياب
جاك متلهف و قلبه على راحة يده

ليه صدات التشرّه و نظرات العتاب
و الله إن فيني من الشوق قومه و اقعده

و الله إن فيني من الشوق قومه و اقعده

يالشناح اللي خذيتي طَيَشَان الشباب
فارقه عن كل وضحٍ مع البدو ابرده

من غلاها مّحَيّله ما تِبَرّك للركاب
هذي الرجال و الله ما يعطيها اولده

ودي أفرش لك صحاصيح نجد من السحاب
اللي يلمع بارقه و اللي يدوي برعده

كل ما تلّيت جيبي مع وساع الرحاب
راحت فجوج الخلا . دبله بكف ( افهده )

البلا في ضيقة الصدر يا مال الذهاب
يا إني أمرّ بمشاكل و أمور امعقده

من يفك عقال حزني من امراح العذاب
كل ما دكّت بصدري هموم مجهده

عندي أتبع ف أشهب اللال ، لمعات السراب
أهون من أتبع امقفي ما جاء عند اوعده

كل ما خذت المكابر تعزز و إحتساب
في عيوني دمعتٍ بالمطيح امهدده

يوم أجي مفلاك عقب التغرّب و الغياب
و الله إن فيني من الشوق / قومه و اقعده