نفساني - عرض مشاركة واحدة - :-[ هطول الثلج على وهج النيران ]-:

25-03-2020, 09:47 PM

اقتباس:

المشاركة الأصلية كتبت بواسطة عظيمة جداً

عالي اخبارك ؟
كنت متابعه لك قبل شوي وشفت كلام ابوك ودمعة عيني
اعرف حجم المعاناه مع الاكتئاب اننا نفسر كل شي خطأ بسبب نفسياتنا
اعرف ان هلدنيا ماتسوى ولا تصفى ولا تدوم لأحد عشان كذا سامح ياعالي لاتحقد على اخوك ولا على احد من اهلك لاتخليهم يشوفونك منهزم ابد لان الزعل ضعف وانت قوي يا عالي سامح لانك نقي القلب والنيه وقوي لان السماح مو اي احد يقدر يقرره او يقدمه لأي شخص اذاه
فكر هالدنيا موقته لاتضيعها بزعل يكفي الاكتئاب لاتجيب هموم ثانيه على راسك اولاً عشان نفسيتك وصحتك وعشان امك وابوك اللي يفدونك بكل شي بالكون لانك ولدهم ويحبونك
صدقني كل الأفكار الللي تجي ببالك غلط مااحد يكرهك انت محبوب هنا وحنا مانعرفك كيف بين اللي حولك ؟ انت الله يحبك وحب الله يكفيك يا عالي؟
اتمنى انك تتخلص من افكارك وتفتخر ب انك عالي اللي انا اخذ منه التفائل وينشر الأمل هنا رغم حروفه المبكيه
وتذكر دائماً ب انك اشجع مكتئب على هالأرض واقوى مكتئب بساحة الهزيمه ..

الحمدلله بخير أنتي شلونك يا غالية يا بعدهم .. يعلم الله مشتاق لك حيل حيل :(
و سلامة عيونك من الدمع سلامتك سلامتك هم ألف ألف سلامات ما ودي إنها تنزل دمعاتكم و الله شاهد بس هذا يدل على طيبة قلبك و مشاركتك مشاعرك مع الآخرين و بأنك تملكين قلب من أطيب القلوب جعلني ما أعدمك .
و أبد ما قلتي إلا الصحيح و الكلام السديد الله يرفع منزلتك و يعلي شانك و قدرك يا غالية بس دعواتك تكفين يا عظيمة جدا لأني بحاجة للقرب أكثر مع أهلي أمي و أبي و أخواني و أخواتي و أحس بشعور ضد هذا اللي أنا أبغيه من نفسي تجاههم بس الله عظيم و رحيم و راح تكون الأمور على أحسن ما يرام و أنا متأكد من هذا إن شاء الله بس يبيلها صبر و الله مع الصابرين و تكفينا إن شاء الله بشارته العظيمة و المسلية لأهل الصبر و الله يعافيني و إياك و كل متألم و متوجع

إبشري بإذن الله ما في هموم ثانية و لا أقل من الثانية إلا إكتئاب و الله يعينا عليه و نتحملو و يقلعو عنا بأسرع من الثانية :)

و الله كلامك بلسم أقسم بالله
الله يعين على شعوري بالإضطهاد اللي يخليني ما أداني البيت لو هو حتى فاضي ما فيه أحد
صادقة أفكاري مغلوطة و قاعد و الله أجاهدها بس الحمدلله و أنتي تشوفين و غيري يشوف و غير هذولاك اللي ما يدرون عني إني لازم أفتخر مثل ما قلتي بأشياء أنا أكتسبتها من القراءة و الإطلاع بعلم و فلسفة الأخلاق و أشوف إن أخلاقي الحمدلله تريحني و مزينتني بأحسن الزينة بس و الله أوقات يفور دمي و لا أحد من يراعي و لا يداري بس يرمون علي زلاتي الماضية معهم
و يقولون لي طفح الكيل يا عالي و لازم لك كذا عشان ..؟.. ما أقول إلا الله يجيب العواقب سليمة يا أختي

أشكرك أشكرك أشكر قلبك الطيب و دمعاتك الغالية

و لا تغيبين بعد راسي
حضورك مهم و أكثر من مهم بروعة ما تنشرين من الورد اللي يسعد قلوب و قلوب بقربك منهم
الله يحميك و يعافيك و لا يوريك إلا كل ما يجمل و يفرح قلبك و تشوفين السرور مأثر على خديداتك و وجهك من قوة البشاير و البهجة اللي تشوفينه و تحسينه

يآلله ما أسرع الأيام
اليوم واحد ثمانية و رمضان ع الأبواب مالنا إلا نسأل الله يبلغنا رمضان أعواما مديدة لا فاقدين و لا مفقودين .

أرسلت لك حمامة مش إنسانة وردة تشبهك و معها وردة تشبهني ههههه