نفساني - عرض مشاركة واحدة

31-03-2020, 01:39 PM

مساء الخير يا اهل المضافه الطيبين الغالين على قلبي فردا فردا
شلونكم طمنوني عنكم وكيفكم مع الحجر عسى ربي يحميكم من كل شر ومكروه .
انا ابشركم طيبه وبخيرالحمدلله بس اعذرو تقصيري معكم بالذات من يسأل عني اخواني وعيالي الغالين محمد البدراني وابو نجلا لكن بكون صريحه معكم والسبب كالتالي :
بعد ماربي من علي بالشفاء من الهلع اللعين والاكتئاب الالعن صرت ادخل المضافه واحس بشعور جميل لما اشوفكم مستقرين ومرتاحين وكل ماشفت احد فيكم تعبان احس بعجز حقيقي ومؤلم ان مابيدي شي اسويه شعور اول مره بحياتي يمر علي اللي هو قلة الحيله ادري انكم تعبتو من الكلام المحفز والتشجيع احس ودكم بحل جذري حقيقي لكن ما اقول الا الله وحده قادر ان يبدل الحال بحوله وقوته .
امس قعدت اتأمل فايروس كورونا واوضاع العالم فايروس لايرى بالعين وقف العالم كله لا طيارات حربيه ولا قنابل نوويه ولاقوى عالميه قادره توقفه او تلاقي له حل اقتصاد واقف موت مئات البشر في الدول المسماه عظمى ولا حل ..
الله وحده قادر ان يعيد الحياه ويأمر سبحانه جل شأنه.
وحده وطني العظيم من جعل الانسان اولويات واهم من الاقتصاد كم انا فخوره بأني سعوديه ولايهونون باقي الدول .
كلمه لاخواني المبتلين بهالمنتدى : انظر فقط الى رحمة الله سبحانه هو فقط بيده امرك هو فقط قادر ان يغير حالك الى افضل حال فقط احسن الظن واليقين واذا الله ماكتب الشفاء فهذاهو القدر والمكتوب مالبيد حيله .
في خاطره من قلبي بقولها : بعد تجربة المرض قرابة السنتين والشفاء لله الحمد والمنه اكتشفت ان الشفاء هو الرضى والتعود على نوبات الاكتئاب والهلع وغيرها من الاعراض مثلا انا جتني نوبة ما اعرف وش اسميها عسر مزاج او اكتئاب وكنت شوي واستسلم لكن حديث النفس حولته ايجابي بأني اعرف مسبقا اني ممكن امر بهالاعراض مثل ماقال الدكتور لكن الاستسلام لها يغذيها وتزيد فحاولت اطنشها الى ان اختفت .
اكيد غيري حالته غير عني يمكن تختلف ويمكن اقوى واعنف لكن هذي تجربتي والمستقبل علمه عند الله .
اتمنى ازوركم واشوفكم اسعد خلقه .. تحياتي
ملاحظه :
اذا شعرب بتعب الاعراص مثل الدوخه او الغثيان او التنميل او الوهن بالجسم كل اللي اسويه استسلم وانسدح الى ان تمر الازمه هذا هو فقط ماسوي شي ثاني ابد

عبدو عمر معجب بهذا