المشاركة الأصلية كتبت بواسطة نقابي تاجي

السلام عليكم ياجماعة مبدئيا احب اشكركم كلكم واشكر المنتدي هنا لان دة المكان الوحيد اللي بلافي نفسي فيه عشان كلنا حاسين ببعض ربنا يشفينا جميعا انا الحمد لله بعاني من وسواس الموت ونوبات الهلع بقالي ٤ سنين وخلاص اتعودت عليها وبقيت بحاول اتعايش لكن دلوقتي بقت بتحصلي حاجة مرهقة جدا لمخي ببقا قاعدة عادي كدة تيجي في دماغي فكرة تخليني اقلق واتنكد يعني حاجة احتمال تحصل وافضل افكر فيها وادايق وادور علي حلول ولما ابدأ اهدي وانسي الفكرة دي تطلعلي حاجة تانية تعبن حاسة دماغي بتوجعني من كتر التفكير مش عارفة انتو فاهمين قصدي ولالا وعلي فكرة الافكار اللي بتجيلي دي ممكن تكون حجات تافهة جدا بس بتأثر عليا وبتنكد عليا عيشتي يعني مثلا من شوية جتلي فكرة ان ابني حيدخل المدرسة السنة الجاية وحيبقي قاعد في مكان مش حلو في فصله واني حروح المدرسة واعمل مشكلة هناك عشانه وقعدت افكر في الاحداث واللي حيحصل واتخنقت وتعبت حياتي بقت كلها كدة واخلص من فكرة تجيلي حاجة غيرها انا مش عارفة ايه اللي انا فيه بالظبط اسفة جدا اني طولت عليكو بس فعلا انا محتاجة اتكلم دماغي حتنفجر