نفساني - عرض مشاركة واحدة

26-06-2020, 04:47 PM

اقتباس:

المشاركة الأصلية كتبت بواسطة تقهويتك مواجع

السلام عليكم اخواني

كيفكم عساكم طيبين

من يومين حلم دمر كياني ورجعني لتحت الصفر وطبعا كلكم تعرفون مايرافق هذه الاحلام اللعينه

من خوف وتوتر عالي وقلق وانتظار الموت ونظرات الوداعيه والسوداوية واليأس والاحباط

تحسنت شوي ثاني يوم بعد ماسمعت لواحد وان شاء الله بنزل لكم الفيديو يسالوه هل احلام الموسوس يأخذ بها حتى لو كان تفسيرها دنو الأجل

قال لا يأخذ بها حتى لو كان تفسيرها دنو الأجل وبرضو جاوب على سؤال هل يحس الشخص قبل موته قال لا يوجد دليل لا في القرءان ولا في السنة عن ذلك

حسيت بارتياح من كلامه وحاولت ارجع طبيعية وجلست لين قبل ينتهي دوامي بساعه بدء يتسلط علي اللعين كل شي اسويه يقولي اذا عشتي

كل شي اقوله يقولي اذا عشتي حتى زواجي ماني قادرة اكمل تجهيزاته يااخواني مالي نفس الرعب واليأس متملكني على الآخرررررر

رجعت البيت وحالوت اضبط نفسي وكانت رعشتي خفيفه واحاول اضيع وقت ولا انحصر بالافكار دخلت المنتدى ادور بالمشاركات القديمة زي حالتي لقيت اشياء

وفي اشياء وسوست بي شوي صرت اخبط راسي ماني قادرة اتحمل وانا جالسه اضيع وقت كنت جالسه قدام المكيف فترة طويلة واحاول اضيع الوقت

فجاءة نمت مدري كيف وصحيت وانا بردانه ومو متوازنه ابداااااااا وقمت اصلي الفجر من قوة الرعشة احس مافي عظام في جسمي كاني عمارة وحتنهد باي لحظة

قسم بالله احس بطيح بقوة ماني حاسه بجسمي صرت مرعوووووووبه وموقادرة اسيطر على نفسي دخلت جوجل طبعا ادور شي يخفف عني مالقيت

قست حرارتي لقيتها 35 وبديت اوسوس منخفضة درجة حرارتي وبديت اقرى عن انخفاض الحرارة ويؤدي لوفاة ومدري وصرت ارتعب وارتعش بزيادة

وصرت اقول لنفسي جسمي جالس يحتضر بموت خلاص وصرت احس اني اش اقول واش اسوي في اللحظات الأخيرة والدوامة نفسها الي تعرفونها

حاولت ادفي نفسي وجلست بمكان حار ونتغطية ببطاني وعيت الرعشه تروح احسها تزيد ونزلت الشغل والكل يسالني وش فيك محطمه يأسانه كذا قلتلهم والله حالتي حالله

مو قادرة اسيطر على نفسي والله أكتب وأنا خايفه تكون كلماتي الأخيرة تصرفاتي الأخيرة مدري وش اسوي أسألكم بالله وش الحل وش اسوي احد يجاوبني

😞تقريبا نفس حالتج