المشاركة الأصلية كتبت بواسطة مها المصري

كلامك وجع قلبي والله العظيم
احنا في معاناه لا نهاية لها
انا كمان بدأ معايا الوسواس من الطفوله يمكن
من عمر كتير صغير ٥ سنوات
كان عندي رهاب الانفصال عن امي وابويا بس اطلع
على المدرسة احس قلبي يدق بقوة واستفرغ ويصير معايا هبوط ولا استمتع بشئ ابدا وطول وجودي بره البيت ترقب أنه بيحصلي شيء مو كويس 🙄
وكبرت والخوف كبر كمان وانا بالثانوي كانت أول نوبة هلع تجيني ودمرت حياتي تدمير ما لو اول من اخر وصار طول الوقت ترقب وخوف من كل شيء وتوقفت عن الخروج من البيت لأنها اجتني وانا بره البيت وصار معي حالة غريبه بس اطلع من البيت احس انه فيه نيزك راح يضرب الأرض من خوفي واصل أترقب كل شي حواليا وانا مش عارفه شو بستنى أصلا 🙈🙃
وكبرت اكتر ورحت ع الجامعه وأول سنتين كانوا تمام بعدين كل الامور رجعت مره تانيه تسوء وصرت اخاف من الموت والمرض والقلق والتوتر صاروا جزء من حياتي ما بيختفي ولا بيقل .
الى أن خلصت الجامعة وكانت السعادة تملى قلبي أخيراً ما راح اطلع من البيت ولكن ما دامت السعادة لاني نزلت على سوق العمل وصرت لازم انزل كل يوم وكل يوم اصارع واناضل خوفي ووسواسي مليون فكرة لو نزلت بموت أو بيصير معايا مشكلة وما حد راح يلحقني راح اصير زي الكلبة بالشارع لحالي ولا راح ينقذني أحد من أي شيء 😭
واخدت إجازة سنتين من عملي وحالياً لازم ارجع ومش عارفه شو اعمل وبيتي كمان بعيد كتير عن مكان عملي وهادا شي بيوترني كتير