المشاركة الأصلية كتبت بواسطة حجر الصوان

صدقيني بدون مبالغة لما افتح المنتدى ادخل فضفضتج في غالب الاحيان تكون معانتج نفسي بالضبط انا الحين خايفة من يوم عرفه والاضحى وقبلها العصر كنت في حالة ترقب كله انتظر اسمع اخبار مش زينه استغفرالله ، وقبل كمن يوم اجبروني انروح نخطب لاخوي في منطقة ثانيه وطول الطريق انا على اعصابي ولكن اكتشفت شي لما واجهت مخاوفي وطلعت ارتحت اليوم الثاني بطريقه عجيبه .. بس حاليا انا شوي تعبانه فجأه خفت لاني عني افكار وخيالات تخوف بشكل فضيع وفجأه صارت عندي ضيق تنفس كنت اقول في نفسي لازم اروح المستشفى ! حاولت استجمع قولي صليت العشا بالقوه وسجدت ودعيت الله انه يفرج همي ويشرح صدري ويضبط تنفسي .. حسيت مثل الضيقة ع صدري بس الحمدلله بعد الصلاه خفت الحين رجعت شوي ! لانه في مشكله عائليه عندنا فالبيت وبعد الوسواس والخيالات المستمره وفوق كل هذا محد يعرف شو فيني واني منهاره داخليا الحمدلله على كل حال ..وصلت لمرحلة ما اقدر اشرب ماي احس بكره في حلقي .. كل شي متجمع علي وانا لاحظت في الايام الفضيله يزيد علي .. ومأساتي الحقيقه اني عندي مشكله مع كبار السن في العايله اخاف عليهم ورابطه نفسي فيهم بسبب حلم ومصدقه الفكره اخاف منهم اخاف ازورهم اخاف لما يمرضون انا جدا تعبانه مب هذا الموضوع .. بس فوضت امري الله .. وعلى فكره انا خايفه اني اكتب هذا الكلام بس عناد في الوسواس راح اكتبه .. بالرغم من كورونا الا إني ما اجلس فالبيت احاول اطلع عشان خلاص ما اتحمل .. قطعت صديقاتي لدرجة صديقتي اتصلت فيني سألت عني وخفت كثير من سؤالها بس بعدين قلت خلاص لازم يتقبلون اني بعيده لين اصير زينه .. وخايفة من فكرة الزواج معنه كان حلمي اتزوج واستقر بالرغم انه محد خطبني لكن اقول كيف راح اتزوج وانا مريضة وسواس قهري فأتجنب كل المناسبات اللي احس انه يمكن في حد يشوفوني او يخطبني لها الدرجه وصلت .. الحمدلله على كل حال