نفساني - عرض مشاركة واحدة - :-[ هطول الثلج على وهج النيران ]-:

23-08-2020, 12:10 AM

منيف بن منقرة
.
نامت عيون العباد وليه أنا ما تنام عيني
واهني اللي لجاه النوم يرتاح بمنامه
ودي أضحك
ودي امزح
ودي اطق الهجيني
ودي اطرب
وأطرب اللي ناح مع نوح الحمامه

يا ملك اللي بيساري
يا ملك ياللي بيميني
اكتبوا والا امسحوا
ميعادنا يوم القيامه

راسي اطلق راس لو ان الليالي تحتريني
يستحق التاج الأصفر
لا عقال و لا عمامه

والله اني خابر ان الموت الاحمر مقتفيني
وان سلمت اليوم
بكرة ما تحريت السلامه

من وراي اللي يحسب ايام ما يحسب السنيني
وكل يومٍ ينقضي يكتب على جنبه علامه

والله اني باغي الدنيا وهي والله تبيني
وافترقنا ليتها تطلب مهر غير الكرامه

راسها من تحت رجلي ورجلها لمست يديني
وكل ما اطى راسها تفعل مثل فعل النعامه

و لو يجي مندوبها ، الجليس قاموا واقفيني
غير أنا ما قمت له ما قلت عز الله مقامه

و إبتسم ل للي وقف ثم لد العين فيني
هب ما اقشر نظرته من بعد ذيك الابتسامه

نظرته سوت مسافه بين خلق الله وبيني
دريوا انه ينتقم مني وخافوا من انتقامه

واضحكوني
و ازعلوني
ذيبهم عوّد حصيني

اثري الدنيا بها لفه و ميله وابترامه

وش تبا الدنيا تسوي بواحدٍ ضلعه متيني
عزمه اقوى من الحديده والحديده من عظامه

فارقيني ما علي خلاف لو تفارقيني
اعتزي بسبع الجدود وكل جد و له زعامه

عايديهم في نهار العيد / انا لا تعايديني
يرفعون بك الجمل وانتي شدادك في سنامه

وان سلم راسي تهوني غصب عنك تطاوعيني
خامتي هي عز راسي خامتي يا وي خامه

https://

مبهم معجب بهذا