نفساني - عرض مشاركة واحدة - :-[ هطول الثلج على وهج النيران ]-:

30-10-2020, 11:04 PM

اقتباس:

المشاركة الأصلية كتبت بواسطة عيون متفائلة

الله يلقي عفراء كل خير و يلقي كل ضعيف من خلقه

ابشوف القناة أن شاء الله

و انت ماشاء الله تبارك الله طالما توظفت اسأل الله ان يثبتك في الوظيفة و ترتاح فيها و يعلى مراتبك تقدر تستقل مع الوقت بذاتك لو تستاجر لك غرفتين جنب اهلك و شوي شوي ترزق ببنت الحلال اللي تسرك و الذرية الصالحة اللي تكون قرة عينك يا كريم

اللهم آمين يا ويل قلبي على عفراء
ردوها علي تهيء تهئ

الله يسمع دعواتك لي بهالوظيفة عسى ربي يهونها علي

و الله اثنين من الموظفين قالوا لي أنت حساس قلت لواحد منهم قلت مو حساس و بس إلا حساس بزيادة
و الثاني منهم أحس عصب علي و كتبت له ورقة إعتذار ب أنك ما تنلام يا غالي و لما جيت أبعطيها اياه قال وش هذي قلت له اقراها . قال لا كلمني وش فيه و سكت . خلاص ماني متكلم خلوني ساكت أحسن

ما إستحملت و كتبت فضفضة في قروب العايلة و مسحت فضفضتي إلا لقطوها ثنتين من أخواتي و نصحوني بغيت أغادر من القروب و أنا صادق الكل متهني بعمله حتى لو هو صعب إلا أنا
طيب صحيح إنا خلقنا الإنسان في كبد بس شقائهم يلقون فيه راحة سواء في نهايته مثل الراتب أو الإحتكاك مع الموظفين الآخرين و سواليفهم و عملهم بحيث يحسون إن الفراغ يقتلهم أما أنا فالشغل يقتلني و الفراغ يقتلني و لا مهرب بس عسى الله يغير الأحوال

أنا يا بسمة المفروض لي بيت ببلاش لأن أبوي عنده عمارات و أخواني لقوا وظايفهم فور تخرجهم أما أنا ما لقيته إلا بعد ما زاد التعب تعبين و أتعاب و حالتي خاصة حتى أخواني اللي هم طرمان ما لحقهم اللي لحقني

المهم أبوي قاعد يتصل فيني و أنا من القهر ما أرد عليه
ما صار يكلمني إلا لما توظفت
البيت تغيرت نظرتهم لي ما عدا أخوي الكبير بس بعد إيش تغيرت نظرتهم بعد ما لقيت الأمرين و كل يوم أروح العمل أقول راح أنهي عقدي بنفسي من الهول اللي أحسه . حتى إني أبكي مرات بحمام الدوام !
بس راح أقاوم و أحاول الصمود و ربي يعين الجميع