نفساني - عرض مشاركة واحدة - كيف تتعاملون مع نوبات الهلع اذا حسيتو فيها

31-10-2020, 04:35 PM

انا اول ماجتني ماكنت ادري وش سالفتها
وطيران على الطواريء
وفحوصات وتحاليل والحمدلله من فضل ربي كل تحاليلي سليمة
ورجعت البيت وانا مستغربه وش الوضع وش هاللي جاني
كنت مو قادره اتنفس وخفقان ودوخه وتنميل يعني اعراض مره مخيفه
وبعدها رجعت لي وبرضو طيران على الطواريء
وصرت اتردد عليهم الحمدلله على كل حال كله بأجره بأذن الله
ومره من مرات مراجعاتي للمستشفيات شافني دكتور قال لازم تراجعين دكتور نفسي
اللي فيك اعراض نفسوجسديه
فصرت الحين اراجع واسأل الله ان يشفيني ويشفيك ويشفي كل مبتلى يارب
وبصراحه صرت اتجنب الاماكن خوفاً من انها تجيني 😐
وفي اشياء كثير تغيرت في شخصيتي بعد هالهلع
الحمدلله على كل حال ( صرت مااروح اماكن بعيده وصرت اخاف من الاماكن الزحمه وصرت قبل اروح لاي مكان اشيك على موقعه باللوكيشن اشوف هل الطريق ماشي والا واقف
هل هو بعيد والا قريب ومااروح مكان الا ولازم معي احد
الحمدلله على كل حال واسأل الله ان يجعل هالدكتور اللي اراجع عنده سبب في شفائي والله يشفي كل مريض مرض عضوي او نفسي يارب
ونشوف ردود الاعضاء هل تخلصتم منها؟
وهل جتكم في مكان عام وسيطرتو عليها؟
وكيف الطريقه