المشاركة الأصلية كتبت بواسطة عيون متفائلة

السلام عليكم ورحمة الله وبركاته

اسعد الله مساءاتكم و جميع اوقاتكم بكل خير اخواني الكرام ابو نجلا و ابو فاطمة

يارب تكونون دوم و أحبابكم بخير يا كريم


سبحان الله نفس تفكيري يا ابو فاطمة ربي يسلم لك فطومة و امها

على فكرة يا كثر الفواطم ماشاء الله تبارك الله في العائلة من ضمنهم الوالدة الله يحفظها

نفس تفكيري بخصوص انك تخاف على أحبابك

انا كذلك اقول من بعد عيني من لعيالي " بسوسي *

صحيح لهم الله سبحانه لكن اعوذ بالله الهواجس تتعبني

مو لأني احبهم أكثر من امي و اخواني

لا

بالعكس كلهم في منزلة وحدة

اقول على الأقل امي و اخواني ربي يحفظهم لهم بعد الله أهلنا و القبيلة

لكن ذولي الضعوف اللي كلهم اعذلوني فيهم يقولون وش لك بهم اتركيهم

الكل ناقم عليهم و بكرة النهار ما يصدقون ينجزون فيهم وعيدهم و يرمونهم للشارع

مع العلم ان فيهم يموت لو طب الشارع

فيه من تحبسه اعاقته زي الشلل و العمى و فيه منهم الخواف اللي حرفيا يموت لا قدر الله لو طب الشارع

ما يعرفون يتصرفون ابد ، ممكن الواحد من شدة خوفه يزبن تحت أقرب سيارة قدام بابنا و يموت تحتها جوع و عطش من خوف مغادرة المكان


البشر لهم بواكي

فيه الحمد لله أهل و قرابة و جمعيات خيرية و مؤسسات و دول ترعاهم

لكن ذولي وش حيلتهم

اسأل الله أن يتولانا جميعا و يتولى كل ضعيف

آمين