المشاركة الأصلية كتبت بواسطة اسراء على غازي

زوجي من سنتين تعب وتم تشخيصه بإصابته بنوبة ذهانية حادة ، ودخل المستشفي اسبوع والحمدلله خرج منها واستمر على الادوية 4اشهر وفجأة حصل موقف في الشغل تعبله اعصابه رجع انتكس تاني الدكتورة زودتله ايفكسور 150 صباحا مع الديباكين والريسبريدال والاولابكس، واستمر عليها اكتر من 3شهور واتحسن قوي والدكتورة بدأت تقلل الجرعات ، في الأثناء دي دخل علينا رمضان اصابته انتكاسه فظيعه اصعب من اول مرتين وكان بيفكر في الانتحار مع احساس حرقان في ايده ووجهه الدكتورة زودت العلاج اخد ديباكين 1000وريسبريدال4مل وميرتماش واولابكس وابتريل وطبعا الايفكسور 150ولكنه من وقتها مفيش الا تحسن بسيط جدا جدا ، لحد من شهر تقريبا انتكس وهو بياخد الادوية بانتظام رجعنا للدكتورة قالت ان تشخيص حالته اكتئاب حاد مقاوم للعلاج ولازم ياخد جلسات كهرباء وغيرت كل الدوا أصبح دلوقتي بياخد
سيبمالتا مرتين في اليوم
برينتلكس 20
ريسبريدال2مل
اولابكس10
ابتريل صباحا ومساء
الادوية معملتش معاه اي نتيجة الا لما اخد جلسات الكهربا احساس حرقان وكهرباء جسمه اختفي ولكن عنده اكتئاب رهيب مبيتكلمش الانادر وديما نايم وطبعا بيفقد الذاكرة وبيسألني عن نفس الحاجة كذا مرة وبينسي انه سألني اصلا، دلوقتي من خبرتكوا هل العلاج دا كده كويس وايه رأيكوا في جلسات الكهربا، ونغير الدكتورة ولا نستمر معاها لاني حاسه بتأنيب الضمير انه مبيتحسنش بالعكس بينتكس اكتر واكتر، رغم انه مستمر وحريص جدا على الدوا في مواعيده ولكن مفيش اي تحسن واليأس اصابه، واكرر ان عنده افكار انتحارية ولكن الحمدلله لم يحاول الانتحار ابدا ،انصحوني اعمل ايه