|
عجزت اعرف اللي عندي هل اكتئاب او وسواس او قلق ضربت علبة الفيوزات عندي
السلام عليكم ورحمة الله وبركاته
اسعد الله اوقاتكم بكل خير
اقلكم قصتي من البدايه اللي ما عرفت الى الان انا وش عندي
كانت تجيني نوبة خوف فجأة وقت الاختبارات ايام الجامعه او اذا صرت لحالي فجأة كذا احسن اني بموت واخاف بدرجه كبيره واروح المستشفى يقلون ما عندك شي يمكن عشان التركيز والدراسه وعلى طول تروح تجلس سنه كذا وترجع لي من فتره لفتره طويله يمكن كل سنتين مره
طبعا انت كنت بعيد عن اهلي واصدقائي ودائما افكر فيهم واحزن بقوه لمن اتذكرهم احيانا تصل الى البكاء ولا كنت اعرف المرض النفسي او اي شي عنه
طبعا راحت الايام وتنقلت الى اكثر من مدينه ونفس الشعور الحزين معي بس كنت اصبر واضغط على نفسي الين تزوجت الحمدلله ورزقت باول مولود
طبعا جاني خمول وكسل بعد الزواج بعكس اول كنت شخص نشيط واروح واجي واسافر الى اي مكان لو اجلس 24 ساعه صاحي ما عندي مشكله
يوم الايام اضطريت اسوي عمليه جراحيه وكنت مره خايف وطبعا اخاف من الامراض والعمليات والاشياء ذي المهم سويت العمليه ومشت الامور
يوم من الايام مرض صديق لي وكان يتواصل معي قبل يتوفى رحمه الله وكان يطلب مني مساعدته في الحصول على موعد في المستشفى التخصصي المهم حاولت وكنت مره حزين عليه ما طول رحمه الله اسبوع تقريبا وتوفى
بعدها بدئت معاناتي الحقيقيه جائني خوف مو طبيعي وكنت ما ابغى اطلع من البيت وكل شوي وانا في المستشفى اتطمن على القلب والضغط وتكون كلها سليمه
حتى الطائره ما كنت اقدر اركبها من الخوف مع اني كنت اسافر في الشهر 5 مرات
او السفر بالسياره لمسافه بعيده
طبعا رحت كذا دكتور وصرف لي سيروكسات وعلاج ثاني يخلني انام ونفس الشي دائما احس نفسي هادئ مرره
استمريت عليه 9 اشهر وتركته كذا بدون تدرج او شيء وصبرت على الاعراض الانسحابيه عدم التوازن والتشتت ذا لمده اسبوع وراح طبعا الكلام ذا قبل سنتين
خلال السنتين كان يجيني كل شهر او شهرين خوف وسواس مدري كيف اوصفه ما ابي اتكلم مع احد ولا حتى العب مع اولادي او اسولف معهم وكان هذا يزيدني حزن
طبعا تستمر معي الحاله يوم يومين وتروح لمن اتكلم مع زوجتي او اروح للدكتور اتطمن طبعا كان عندي الله يكرمكم مره اسهال مره امساك ارتجاع حموضه المعده مره غصه بالحلق جفاف الم في الكتف الايسر خاصه وكنت لمن انام واصحى ما كان شي صار ويرجع لي مره ثانيه بعد الدوام
طبعا كان كل مره اشتكي من الم جسدي
طبعا اذا انبسطت وانشغلت بشغله كذا احبها ما تجيني هذه الحاله مرره لكن فجاه بعد شهر او شهرين ترجع اي نفس الحاله
طبعا ما استخدمت ولا اي علاج من توقفت عن استخدامه
ابي اعرف يا اخوان وش اللي عندي بالضبط هل هو اكتئاب او ايش خوف وقلق
اسف على الاطاله
|