نفساني - عرض مشاركة واحدة

22-12-2020, 01:16 AM

اقتباس:

المشاركة الأصلية كتبت بواسطة صابر

ماتشوفين شر انام بعد العشاء الى صلاة الفجر اصلي وانام مره ثانية تجيني كوابيس يوميا على هذي الحالة
هذي عادية لاتخافين انا مانتبهت انها مشكله ولما شفت موضوعك تذكرت بلي امر فيه
بس انتي يجيج رجفه وخفقان في القلب اذا كنتي تاخذين منبهات او ادوية فيها منبهات اتركيها قبل النوم
ماقدر افيدج اكثر وان شاء الله متخصص يشوف المشكلة الي نمر فيها ويعطينا حل

الشر ما يجيك اخونا صابر

ايه المشكلة يصاحبها أعراض جسدية خفقان شديد بالقلب احس قلبي يبي يتوقف و روحي بتطلع و جفاف شديد بالحلق لدرجة الألم كأني بالعة شوك و انفاسي تنقطع من شدة ذا الجفاف و يتصبب العرق كأني كنت أجرى مسافات طويلة و ابغى احد يصحيني من الكابوس اللي أشعر إنه حقيقي و أحداثه مستمرة حتى بعد الاستيقاظ بدقايق

يعني ما تحسه كابوس عادي زي اللي مرت فينا من قبل ، هذا و العياذ بالله يصاحبه أعراض جسدية لدرجة الألم ، يكفي اني احس بألم بالضلوع من شدة خفق القلب كأنه الموت الله يجنبنا سكراته و من نحب

و الغريب في الموضوع كل ذي الأحداث خلال النصف ساعة إلى ساعة اللي اغفوها بعد الصلاة

حتى مو بعد الصلاة مباشرة

انتظر شوي ممكن ساعة بعد صلاة الفجر لأن فيه حولي يحتاجون ياخذون ادويتهم بذا التوقيت الله يعافينا وياهم

حتى مرات ما تستمر الغفوة غير ربع ساعة

يعني ما يمديني مثلا اغمض الساعة سبع الا و تداهمني الساعة سبعة و ربع ذيك الهوايل أعوذ بالله منها

و انا ليتني استغني عنها لأن ما يسوا علي كل ذاك العذاب لكن المشكلة هي ميزان يومي اللي يضبط يومي كله

بدونها يصيبني صداع و خمول و نعاس ما أستطيع الإنجاز ذاك اليوم زي يوم اغفوها

و حاولت اتجاهلها و اسحب نفسي لين بعد صلاة الظهر بحيث تصير قيلولة ما تزيد عن الساعة بدال غفوة الصباح لكن ماش ما يجيني النوم حتى لو هيأت أسبابه برغم الصداع و النعاس و الحاجة للنوم

بالنسبة للمنبهات فقط كوب كبير شاي قبل الظهر بعد ما انتهي من مهام يومي
ماني مدمنة لها

و الأدوية اتناول و لله الحمد فقط حبة جلوكافاج نصف مل مع حبة فيتامين ب المركب بعد الغدا اللي يكون بعد صلاة العصر

ما عندي و لله الحمد سكر لكن فيه تاريخ عايلي الله يعافيهم و مرضى المسلمين

جزاك الله خير