المشاركة الأصلية كتبت بواسطة الهننوفف مازن

السلام عليكم
مساء / صباح الخير

بحكي لكم قصتي ومن وين بدأت ، كانت البدايه و فاة احد من افراد العايلة اثر مرض و كنت وقتها ماسكه نفسي و صابر و كملت حياتي بعدها ومرت الايام الى ان جاء يوم كنت قاعده مع البنات و نتعشى و بعدها جاء طاري الشخص المتوفي و حسيت وقتها بالحزن وطنشت هالشعور وكملت الجلسه ، ومن وقتها وانا احس معدتي تعورني الى ان جاء الصبح وما قدرت و استفرغت ومن هنا بدأت المعانهه

صرت اقارن اللي قاعده امر فيه من اثر الاكل الفاسد باللي صار مع الشخص ! هو استفرغ ؟ انا ستفرغت ؟ هو تعب انا تعبت ؟ و بديت اخاف من الموت ، و الافكار اللي تربط كل شيء بنفس المصير !! كملت اليوم وانا في قمه الرعب وكل ساعه صارت مخاوفي تزيد

1- صرت اخاف انام
2- صرت اخاف اكل
3- صرت اخاف اطلع برا البيت
4- صرت اخاف اقعد مع العايله
5- صرت اخاف اكلم الناس
6- صرت اخاف من اني اتكلم عن المستقبل او احد يقوول بكره ولا بعد اسبوع !
7- صرت اخاف من احد يقول فلان مات و لا طاري الموت


بعدها وانا بنص النوم ، في اخر الليل جاني شيء غريب صحيت مفجوعه و قلبي ينبض بشكل كأنه بيوقف و جسمي يرجف و اطرافي بارده و رجولي ترججف و قمت ما اعرف شسوي ؟ اصحي اهلي ؟ ولا ايش اسوي بالضبط ! رحت احاول امشي وانا رجولي ترجف ترجف ما اقدر اوقف منها جيت بروح المستشفى وتعوذت من ابليس رحت احاول اهدي نفسي لان غفيت بدون ما احس !! صحيت على الصباح و رحت المستشفى كل شيء كان طبيعي وسليم و بعدها قررت اقول لأهلي شصار معي ! و الكل كان يضحك و يقولي اللي صار طبيعي وعادي ! و بعدها وانا الافكار تحاصرني ! هل بموت ؟ هل هي النهايه ؟ و بعدها كملت وكل يوم تزيد الاعراض والنبض فجاه يزيد و احس ان قلبي بيوقف من كثر النبض القوي ، لما تأكدت ان السبب مو عضوي قررت اراجع اخصائي نفسي و توكلت على الله ورحت وبديت احكي له وش صار و شخصني ان عندي اضطراب هلع و ان هذي افكار كارثيه وسلبيه ! كنت ابي اصدق بس كانت افكاري اسوء من الكلام اللي يقوله لي !!! و حولني على طبيب عشان جرعات الدواء ، رفض الدكتور يعطيني اي علاجات و قال ما احتاج علاج دوائي ، كل شيء بيمر بالجلسات وقال فقط احتاج 3 جلسات و اخذتهم ؟ هل فيه تحسن بعدها ؟ انا ما اعرف

الاعراض بدت تروح زياده النبض و التعرق و الخوف كان يخف الى ما اختفى لفتره اسبوع وبعدها رجعت باعراض جديده دوخه و دوران بروده بالاطراف و لما كانت اطرافي تبرد كنت اقول خلاص هذا الموت ؟.
بعدها صرت اربط كل شيء بالموت ؟ هذا يكح يعني بيموت صداع يعني موت ، وصلت لمرحله اربط كل شيء بالموت
صررت اخاف اشتري ملابس جديده اخاف من فكره ان مسكينه ماتت وما لحقت تلبسهم ؟
و صلت لمرحله احس ان كل يوم هو اخر يوم !! و احساس الموت و التفكير فيه قتلني ؟؟؟؟؟

راح اكتب لكم الاعراض اللي جاتني بالكامل

زياده نبضات القلب ( خفقان )
رجف خارجية و داخليه بالجسم
تنميل باليدين و الرجلين
صداع
دوران
دوخه
طنين بالاذن
ارتفاع و انخفاض بالضغط
ضيق بالتنفس وكان احد خانقني
صعوبه بالبلع كان عظمه بحلقي
زغغلله بالعين و حساسيه من الضوء
غثيان
انسداد بالشهيه

تعبت يا جماعه من الافكار ومن التفكير حاولت اطبق اللي كاتبينه بالموقع و احاول اتجاهل الفكره ، حاولت وتخلصت من اشياء كثيره من المخاوف بس الافكار لازالت تلحقني و احس كل شيء يهددني و كل الاشياء علامات ضدي ؟ اذا جات ايات عن الموت ولا احد تكلم عنه احس ان هذي علامه و ابدا ادخل بالتفكير و انرعب. خلصت من الاعراض وراحت الكثير منها وبقى منها قوي الى ان حلمت حلم وكان زي الحلقه تدور بمخي لان فسرته وكانت كل التفسيرات كويسه الا اثنين منهم و ما ركزت الا على اللي مو كويس ( اسأل الله العظيم انه يكفينا شرهه )

كل اللي ابيه باختصار شلون اعرف اني بديت اتحسن ؟ وهل شعور الارتباك و التوتر طبيعي ؟ و هلل اللي انا مريت فيه طبيعي و الاعراض طبيعيه و كيف اتخلص من الافكار و ارجع لحياتي الطبيعيه ؟