نفساني - عرض مشاركة واحدة

28-03-2005, 10:47 AM

حابه اكتب مشكلة هنا لانسان عزيز علي ويارب القى عندكم حل وتكون سبب في شفاء انسان عانا منها لمده 3 سنين..

هذا الانسان تزوج من (قريبته) ومن ايام الملكة وهو مايحس باي انجذاب جنسي لها يحسها بريئه ومثل اخته كذا يحس..

مع انها انسانه جميله ونظيفة ومرتبه ومثيره في نظر اي رجل اخر مثلا..

استمرت الملكه فتره حصلت فيها قرب الزواج مشاكل ماديه كان مالها داعي كانت بسبب امها الله يهديها عن التجهيزات ومادري ايش شي تافه رضخت ام الزوج لطلبات حماته عشان ماتبغى المشاكل وهو اعترض ولكن بالاخير انعمل اللي تبغاه عشان يتكمل الزواج..

سافروا شهر عسل وحصل جماع ولكن على حسب قوله بدون رغبة منه كل مره مجرد اداء واجب رجع وكنا كلنا نحس انه مبسوط وكل شي تمام فجاه انقلب الحال وصار يناموا بغرفتين منفصلتين والجماع يتم كل شهر مره مينمم شوي شوي كرهها وكره البيت وصار يطلع طول اليوم وان جا بدري ينام..

جابو له اهله شيخ يقرا عليه وتعب والشيخ يقرا وحصلت له اعراض قال الشيخ انه سحر واستمر فتره حول السنتين وهو من شيخ لشيخ اخر شيخ الان قال الحمدلله مافيه شي السحر راح لكن الاثر النفسي للسحر موجود

امه قالتله حاول ياابني روح نام بغرفتك وحاول لكن دق عليها وهو تعبان ويبكي ماني قادر ادخل الغرفه كل مافكرت اني بروح انام معاها مااقدر..

صار عنده خوف من الفشل واقتناع انه ماراح يقدر وانه اساسا مايبغاها ..

تعب نفسيا وصار بس يدور في البيت ويجلس فترات طويله امام باب البيت..

فسروا لنا حالته الله يوفقكم تعبنا ثلاث سنين معاناة لين ماتعبنا احنا بعد..

ياليت القى عندكم تحليل للي صار

المصدر: نفساني