المشاركة الأصلية كتبت بواسطة رجل ضد الهلع

السلام عليكم
ابشرك انا كنت مهلووووع ووسواس وخوف من المرض بشكل غير طبيعي اذا كحيت اروح المستشفي احط ليدي علي قلبي علي طول زادت نبضاته لا قلت نبضاته اكيد في مشكلة واروح المستشفي كنت بشكل يومي اروح الطبيب من الخوف والفزع من الامراض
حياتي كانت تعيسه قاعد وانتظر مصيبة توتر وقلق علي مدار اليوم
لكن ولله الحمد
الحين اضحك علي هالايام الامور طيبة والحياة جميلة وتشافيت من غيرة حبه دواء
الله رزقني بطبيب نفسي ساعدني كثير
اولا لازم نطلع من دائرة التفكير السلبية
نكسرها باي شي
حتى مرات كنت ادخل اخذ شور
العب بالتلفون
اروح اكل
اسوي اي شي
هذي مهمه جدا كسر دائرة التفكير
لاتقول حتى وانا اسوي شي افكر بالوسواس هم اشغل نفسك
ثانيا
لازم تتوكل علي الله
وتأكد
ما اصابك ماكان ليخطئك
وما اخطأك ماكان ليصيبك
اللي الله كاتبه بيكون لامحاله
فليه القلق من شيئ الله كاتبه
الرسول عليه الصلاة والسلام قال
تفائلو بالخير تجدوه
هذي الجمله اعظم من مليون دكتور نفسي
هل التفكير والقلق بيغير شيئ
ابدا مجرد تعاسه فقط
الناس كلها عايشه حياتها واحنا خايفين من شي للحين في علم الغيب
المهم ان نقاوم وما ننكسر ونستسلم للتفكير والقلق
واكثر شيئ طلعني من هالوسواس
الاستغفار
والله وبالله وتالله
ان الاسستغفار شال الغمه ورزقني الله وفرج همومي
علي طول استغفر لاتمل
انا كنت استغفر 10 الاف مره باليوم
والحمدالله الامور علي افضل مايكون
اتمنى اشوفكم مثلي
والف سلامة يارب