نفساني - عرض مشاركة واحدة

27-04-2021, 04:39 AM

توني اقرا قصتك وحسيت بالقهر والمعاناه الي حسيتها خصوصاً انك فجأه تحولت من شخص لشخص اخر وهذا ماحدث معي بالضبط مو قصدي احبطك لا والله بس سبحان الله احس قصتك قريبه من قصتي بس انا بداية المرض كنت طفله ماكنت افهم كان عمري عشر سنوات فقط وفجأه وانا جالسه مع اهلي وجالسين على التلفزيون ونضحك ونسولف حسيت بالموت وكأن احد ماسك رقبتي وخانقني وجلست اصارخ اقولهم راح اموت اتذكر هذا الموقف كأنه امس مستحيل انساه لو تنمحي من ذاكرتي كل المواقف هذا الموقف يظل عالق بذهني مانساه ابداً ونفس التفاصيل شيوخ وتحاليل اشعه تخطيطات بالاخير الطب النفسي بس ماستمريت على الادويه يمكن غير شهر وقفوها اهلي لي ولاني كنت صغيره ماعرف شي ماكنت ادري اصلاً عن شي وبعدين صرت اعاني بصمت واسكت اعاني من نوبات هلع وقلق واكتئاب ومستحيل اقول لا احد من اهلي لاني اذا قلتلهم كانو يقولون مافيك شي موسوسه بس لين صارو يقولون لي الموسوسه بالبيت معروف كنت اكابر وماقول لا احد والله سبع سنوات كنت نوم الليل هذا ماعرفه كل الليل وانا ارجف وفيني نوبة هلع قويه وماقدر اتنفس كنت كل يوم كذا وعادي اقوم اليوم الثاني واروح للمدرسه الصباح وانا مابين لهم شي واضحك وانا من جوا اتقطع الم لين صرت بالثانوي اذكر ثالث ثانوي دخلت بحالة اكتئاب قويه جداً وكنت وقتها بالفراش مقدر اكل ولا اشرب واذا احد سألني ماجاوب اقولهم خلوني اموت توكم تهتمون 🥺🥺🥺طبعاً كل من يجي ويعطي نصايح وكنت اتمنى وقتها اروح لدكتور نفسي عشان ارتاح بس لاحياة لمن تنادي ظليت شهر كامل وانا لا اكل لاشرب وبس انام مابي احد يصحيني عشان ماحس بشي واشوف الناس تضحك واقول وشفيهم مبسوطين المهم والله تفاصيل كثيره كثيره لو بكتبها ماخلصت وهذي حياتي كل مازادت الضغوطات ترجعلي الحالات كلها من عمري عشر سنوات والان عمري 31سنه الله المستعان حتى استغفر الله يوم تخرجت مافرحت يوم تزوجت مافرحت مثل اي بنت تفرح والله كنت بهم مايعلم فيه الا الله ولا كنت مهتمه ابداً ولا فرحانه ولا شي طبعاً اذا تذكرت هذا الشي احزن لاني مفروض اكون اسعد وحده بس الحمد لله لعل في ذالك حكمه بس هذي الاخيره الي اقدر اسميها القاضيه الي هو وسواس التنفس هذا هو الي خلاني اروح لدكتوره نفسيه واخذ ادويه لاني فعلياً ماكنت اقدر اعيش مثل العالم خصوصاً انه صار عندي مسؤوليات وتعرف ان البيت من غير ام مايمشي حاله احزن كثير اني اتعب ومقدر اعطي كل الي عندي وانا مو شح مني او بخل بمشاعري بس التعب يخليك تكره كل شي اكيد كل الي هنا فاهمين وش اقصد ومعليش طولت بس موضوعك خلاني افضفض 😂🤭🤭والله يشفيك يارب ويشفينا ويجعل ما اصابنا تكفير لنا يارب الحمد لله اننا نؤجر على المرض