نفساني - عرض مشاركة واحدة

03-05-2021, 04:07 AM

اقتباس:

المشاركة الأصلية كتبت بواسطة شخص ماء

السلام عليكم
ياعالم انا في هم وكرب عظيم ساعدوني وشخصو حالتي
انا مخطوبه لي 3 شهور تقريبا
من اول ما تمت الخطوبه وصاير يجيني خوف فضيع خوف وهلع وذعر مستمر
لدرجة من شدة الخوف والخفقان استفرغ
ما انام زين ولا اكل خايفه من فكرة الزواج يعني لو انفصل بتروح هذي الاعراض
خوف طول ال3 شهور الماضيه خوف مستمر وقلبي بيطلع من مكانه
لدرجة من شدة الخوف اتنفس بقوه وبسرعه وافز من النوم ولا انام زين ولا اكل ولا اشرب
انا تعبت وتعذبت من هذي الحاله
حاولت اواجه مخاوفي مافيه فايده
وش الحل غير الانفصال .. لاني لو انفصلت برتاح اكيد ولكن الحل هذا صعب بالنسبه لي
ولكن اذا مافيه الا هالحل عااادي اهم شي راحتي لاني قاعده اتعذب
وش تفسيركم لوضعي وما نصيحتكم

يا اختي هذي اعراض اكتئاب مصحوب بالقلق الحاد
وفي العادة هذي الاعراض ما تروح الا مع استخدام مضادات الاكتئاب
انتي عندك نوع من الاكتئاب يسمى الاكتئاب التفاعلي والمخ عندك ليس لديه قدرة على تحمل الضغط النفسي
وحالتك بالضبط مثل حالتي
قبل فترة اهلي كلموني عن الزواج ومن كثر الهم والتفكير جاتني نوبات اكتئاب وقلق شديد وألغيت فكرة الزواج من راسي
واشترطت على اهلي انهم يعلمون اي بنت يخطبونها لي اني مريض اكتئاب من البداية عشان ما يصير مشاكل بعد الزواج ونكون متفقين
ولكن كل ما علمنا احد عن حالتي يرفضون لان المريض النفسي عندنا سمعته سيئة
واذا تقدرين تتكلمين مع خطيبك في موضوع المرض يمكن تخف حالتك ويتفهم وضعك ويساعدك
ولكن في اغلب الاحوال الناس بمجرد معرفة ان فلان من الناس عنده مرض نفسي خلاص تتشوه سمعته واذا كان رجل ماحد زوجه واذا كانت بنت ما احد تزوجها
واعتقد انه مافيه حل الا الحل الذي ذكرته لك ولكنه حل صعب