نفساني - عرض مشاركة واحدة

06-05-2021, 02:24 AM

السلام عليكم ورحمة الله وبركاته

كيف حالك اختي

لا تخلين احد يحبطك و لا شي .. هو مو غرضه احباطك .. هو يبي ينقل لك الصورة كاملة حسب ما يراها ..

كل واحد يبي يقلك اللي سواه هو... لذلك يشكر على الاهتمام

اما بالنسبة للفرص انا مو معاه .. اولا الفرص بيد الله سبحانه ، ما أحد يبي ياخذ الا المكتوب له من يوم كان ببطن أمه... هذا شي

الشي الثاني الفرص بالنسبة للرجال أكبر و أوسع... الرجل لو صك التسعين ما أحد يبي يصك بابه في وجهه .. يبي يلقى ما يحتار ما شاء الله تبارك الله
لكن المرأة الفرص لديها أقل و بحكم أيضا مدة قدرتها على الإنجاب محدودة بعكس الرجل ، يبي ينجب لو تجاوز مئة عام تبارك الله ما يعوقه شي ..

انت الان خذي الأمور بسهالات حتى تتسهل ، صغريها و تبي تصغر ، و اعلمي أن اللي ربي كاتبه هو يبي يصير...

و الدنيا قايمة على التسخير... ربي يسخر الناس للناس .. طالعي من حولك تبين تلقين أزواج صابرين على زوجاتهم و العكس كذلك تقولين يا سبحان الله انا ما تحملت القعدة معاه دقيقة كيف زوجته صابرة..

الخلايق اصبرت على بلاوي و أمور عظام يشيب لها الراس كله لأجل استقرار البيت ، ما جات على المرض النفسي

بالعكس من معاشرتي للمرضى و بحكم اخوي مريض فصام ربي يعافيه و يعافي مرضى المسلمين ما تلقين أطيب و لا ارحم منهم ، يا شيخة ضعوف قلوبهم ما في أرهف منها.، لا يحقدون و لا يشيلون و لا يستقعدون لأحد حبايبي منشغلين بأنفسهم بس ودهم الفكة من الدنيا و بلاويها ..

لذلك المرض ماهو عيب و لا منقصة .. بل هو ابتلاء

فيه كلام طويل بقلبي بما ان الموضوع فتح جروح ظننتها جفت

راجعة بإذن الله

دقايق

عبق الذكريات معجب بهذا