نفساني - عرض مشاركة واحدة

06-05-2021, 03:28 AM

يا مراحب

بعدين كل الخلايق مرضى نفسيين ، خاصة مع ضغوط الحياة بالفترة الأخيرة اللي حيرت اللبيب و الله المستعان .. بس الفرق إن فيه اللي يعترف و فيه اللي يكابر ..

و اللي اعترف و تعالج صاروا يقولون عليه مرض نفسي ، مع انه هو الواضح و الصريح و المتصالح مع نفسه مو اللي يكابر و شايف نفسه أصحى الناس و هو يدمر اللي حوله ..

قد تكونين بدينك و أخلاقك أفضل من مئة وحدة و تكونين الخير له و العوض و السعادة ، و هذا المقياس الحقيقي في الزواج و غير الزواج ، لا تبخسين نفسك حقها...

يكفي إنك مهتمة تبين تحققين الأفضل لك و له و تسألين و تستفسرين عشان تبين حياتكم المستقبلية تكون أجمل و أكمل و خايفة من الظلم بينما تلقين غيرك ما اهتمت من بعد الخطبة غير بالأمور السطحية وين يسافرون و كيف تطلع ليلة الفرح و المعازيم ..

أهم شي الان عززي ثقتك بنفسك و اشعري انك تستحقين الأفضل ، و إن ربك كريم وهاب ما ساقه لك إلا لإنك تستحقينه و يستحقك و تستحقون تعيشون الحياة السعيدة ، لأن الزواج رزق مو بس المال، لذلك لا تصدين رزقك بحجة المرض النفسي ..

حبيت فكرة الأخ عبق الذكريات بإنك تقولين انك متغيرة ممكن عين بحيث إنه ما ينصدم إن لك فترة تعانين و ما أدري من ناحية شرعية عن مدى جواز ذلك ، لكن بما إنه حصل ارتباط ربي يكتب الخير و ان شاء الله مافي ملامة..

و لا تنسين أن أغلب الأمراض النفسية سببها عين و الله المستعان .. لذلك اقترح إنك ما تتركين الرقية الشرعية..

و التوقيت كذلك يكون مناسب ، يكون بعد فترة بعد ما تتوثق العلاقة و يحصل ارتياح من الطرفين و تحسين إنه بدأ يتعلق بك..

بعدين الكلام اللي ينقال للأخ و الصديقة و الاهل غير الكلام اللي ينقال للزوج ، الأخ يبي يعذرك لكن الزوج يبي يقلق ، يعني مو كل شي سلبي من قلق و هم تعبرين عنه ، لأنه يبي يحس إنه سبب فيه و يزيد الضغط عليه و يشعر بالإحباط انه مو قادر يسعدك ، كذلك الزوج يحب أن زوجته تكون قوية يعتمد عليها عشان تبي تكون ام أولاده مستقبلا و يبي يطمئن أن امهم قادرة تحميهم بعد حماية الله لهم..

برضه احس اني ما قلت كل اللي بنفسي

لي عودة بإذن الله أن ربي كتب

عبق الذكريات معجب بهذا