09-05-2021, 05:04 AM
|
#14
|
عضـو مُـبـدع
بيانات اضافيه [
+
]
|
رقم العضوية : 60859
|
تاريخ التسجيل : 03 2020
|
أخر زيارة : 13-08-2024 (01:23 PM)
|
المشاركات :
852 [
+
] |
التقييم : 10
|
|
لوني المفضل : Cadetblue
|
|
اقتباس:
المشاركة الأصلية كتبت بواسطة كمان مان
اولاً ما قصرت اخوي على ردك! ثانياً صحيح كلامك انا والله اشوف شهرين كافي ع السبرالكس و يتضح الدواء اذا كان مناسب او لا لكن الدكتور يبي اصبر شهر زيادة عشان تصير ثلاث شهور بس ثلاث شهور على بال ما يبدأ المفعول هذي مدة طويلة، المفروض الدواء يبدأ العمل بدري ف اول ثلاث اسبايع و بعد شهرين او ثلاث شهور يكون وصل اقصى فعاليته لكن مدري ممكن كلامي هذا خطأ الله اعلم، انا مفكر اني انزل السبرالكس ل 10 ملجم و ارفع السيمبالتا وانتظر اسبوعين او ثلاث و اشوف، و اتفق معاك الفرق بالاستجابة من جسم لجسم يختلف، المهم بالنسبة للادوية اللي استخدمتها انا ب اذكر لك تجربتي وقصتي الكاملة:
انا بديت في اواخر 2016 رحلتي في العلاج النفسي حيث كنت اشكو من رهاب اجتماعي و قلق واكتئاب و افكار سلبية كثيره لا تتوقف، هذي الاعراض بدأت معاي من مرحلة الثانوية حيث تخرجت من الثانوية في اواخر 2011، المهم اكتوبر 2016 رحت لطبيب نفسي اول مره وشرحت له وضعي بالكامل وقال لي انصحك ب زولوفت اللي هو لوسترال قال هذا مفيد للرهاب الاجتماعي قلت تمام و بعد بدايتي بالدواء ب اسبوعين او ثلاث اسابيع بديت اشعر بتحسن ملحوظ المهم استمريت عليه وفادني جدا واقتنعت لأول مره فعليا ان عندي مشكله واني اعاني حيث بعد الدواء بدأت اخرج مع الناس واتكلم و اسولف و اتصل و اطلع برا البيت واتمشى واروح واجي وابي احضر فعاليات وابي اقابل الناس واكون صداقات و ما فيه ضيقه ولا شيء الحمدلله المهم كنت مستمر مع الدكتور وكان يزيد لي الجرعه بالتدريج ما اتذكر كم كان لكن اتوقع وصلنا 100 او 200 ملجم المهم بعد استمراري على الدواء ب 4 شهور كنت واصل 70 بالمية او 80 بالمية تحسن لكن كنت متوقع ان فيه دواء بيوصلني اكثر من هالنسبة لذلك رحت للدكتور و قلت ممكن نحول لدواء اخر حيث يفيدني اكثر قال ب احطك على الباروكستين اللي هو السيروكسات قلت تمام وبدأنا عليه وكل شيء تمام وكنت اصلا وقتها متحسن لذلك يوم قطعت اللوسترال ما حسيت ب اي اعراض المهم مر شهر شهرين ثلاث وانا على السيروكسات بس ما حسيت بذاك الفرق عن اللوسترال لكن لا زلت متحسن بنسبة 80٪ او 70٪ المهم قلت للدكتور ب اغير السيروكسات قال خلنا اول شي ننزل الجرعه بعدها نشوف جلسنا ننزل الجرعه بسرعه وحدثت عندي انتكاسة وخفت منها وعلى طول اخذت 100 ملجم لوسترال ووقفت السيروكسات من نفسي بعدها اتصلت على طول على الدكتور قال خلاص ما يخالف خلك على لوسترال وجلست على اللوسترال كم شهر لكن ما حسيته فادني مثل اول مره، اول مره كان مره فعال عكس المره الثانيه قلت ما يخالف اصلا وقتها انا ف الجامعة و مشغول قلت اعطيه وقت واشوف، استمريت وحسيت انه ما راح يفيدني كثير زي قبل قلت ممكن فيه دواء افضل منه قال الدكتور ب احطك على ايفيكسور الدواء هذا SNRI و اعتقد انه يناسبك اكثر بديت بالايفيكسور وفالبداية حسيت بصداع و تعب لكن اختفت و جلست على الايفيكسور سنه كامله وكنت مبسوط عليه ووضعي تمام وكان ممتاز الدواء وما فيه مشكله لكن كنت اشعر اني متحسن بنسبة 80٪ حيث كانت تجيني حالات رهاب من وقت لاخر ايضاً وانا ابغى تحسن اكثر من كذا، المهم رحت الدكتور وقلت الدواء هذا نبي نغيره احس فيه دواء احسن منه وراح يفيدني اكثر، قال فيه دواء اسمه بريستيك قلت تمام قال اقطع الايفيكسور وابدا 50 ملجم على برستيك بدون ما اتدرج في الايفيكسور ما جاب لي طاري ولا شي وذي غلطته المهم بديت 50 ملجم على برستيك و بعدها بشهر قال ارفعها ل 100 ملجم المهم يوم رفعتها ل 100 حسيت ب ضيقه واكتئاب وقلق و قال الدكتور نزلها ل 50 ملجم ونزلتها وتدهورت اكثر واكثر وكل يوم اخس من قبل و الوضع سوء وحزن شديد جدا و تفكير بالانتحار قلت هذا اكيد عشان قطعت الايفيكسور خلني بس ارجع له و رجعت له والوضع مره سيء لا رغبه فالحياه ولا شي وبطلت نادي وطلعات ووقفت كل شيء مره تدهور الوضع صرت ما اطيق الحياه لابعد حد ولو بيدي كان انتحرت وافتكيت المهم كل شهر اقول الشهر الثاني اتحسن لكن الاوضاع زي ما هي المهم جلست كم شهر وانا راجع للايفيكسور ولا فاد لذلك رحت لدكتور جديد وشرحت له وضعي وحطني على سبرالكس حيث الايفيكسور لم يفيدني بعد الرجوع اليه المهم جلست شهر بالكامل على السبرالكس ولم يفيدني و رحت دكتور اخر جديد و قال فافرين افضل لك اقطع السبرالكس دام لك شهر وما بان شيء قلت خلاص نجرب الفافرين وكنت ابي شي يخلصني من العذاب النفسي اللي انا فيه المهم بدانا نتدرج بالجرعات و بعد وصلنا 300 ملجم حسيت بتحسن طفيف قلت الحمدلله باقي امل مع اني فقدت الامل بعد نكستي من الايفيكسور المهم رحت لدكتور اخر كويس قال اجلس على 300 ملجم فافرين وبضيف لك سيمبالتا حيث اني لم اتحسن بالشكل المطلوب ع الفافرين قلت تمام موافق بدانا ب 30 ملجم لين وصلنا 90 ملجم وجلست عليه كم شهر وكان الشهور الاخيره تمام لا باس به و فادني بشكل ملحوظ لكن رحت بعدها للدكتور نفسه قال ب اغيرك من سيمبالتا للبروزاك وابقى على الفافرين نفس الجرعه300 ملجم وافقت وحولنا وبرضو حسيت نفعني البروزاك و كنت اروح واجي واتمرن وكلش تمام ووضعي حسيته رجع للافضل بس ماهو ذاك التمام لازال فيه رهاب شوي المهم بعدها رحت لدكتور اخر لان دكتوري كان اجازه وقال ب اضيف لك فلوناكسول اللي هو مضاد الذهان بجرعه بسيطه راح يحسن الرهاب او اضيف لك دواء اسمه deprinil وهو عباره عن خليط TCA و مضاد ذهان في نفس الحبه قلت لا بلاش من TCA نجرب فلوناكسول افضل و بديت بمضاد الذهان فلوناكسول كم اسبوع وحسيت الرهاب اختفى وبعدها اخطيت خطا شنيع وقمت بقطع البروزاك ظناً مني ان الفافرين والفلوناكسول كافيان تماما وهذا خطا حيث انقلب الوضع فوق تحت وتدهورت وحاولت ارجع للبروزاك لكن ماش ما نفع معاي و قطعت فافرين و حاولت اجرب لوسترال لكن ما نفع ورجعت جربت ال TCA اللي هو deprinil بس ما نفع و جربت معهم ويلبترين Welbutrin لكن سبب لي تشوش ف الرويه لمده شهر وراحت لما قطعته، بعدها قطعت كل شيء وقال الدكتور من شهرين ابدأ ب سيبراليكس لانك قبل جربته بس شهر واحد و شهر ما يعتبر كافي، و الحين انا زي ما وضحت لك على سيبراليكس 20 ملجم وسيمبالتا 60 ملجم، والمعذره على الكلام الكثير لكن حبيت اوضح قصتي بالكامل لعل احد عنده راي او احد يقراها ويستفيد منها و من الاخطاء اللي سويتها
باختصار انا بعد تركت الايفيكسور اختلفت استجابتي للادويه تماما هذا اللي انا حاسه، واعتقادي ان دواء الايفيكسور كان قوي جدا لذلك بعد ما قطعته وجربت غيره كان جسمي خلاص متعود على شيء قوي جدا و ما يأثر فيه شيء غيره، بداياتي مع الافكسور واللي قبله اللي هم سيروكسات و لوسترال كانت ناجحه جدا لكن حصل ما حصل والحياه تجارب! اتمنى ما طولت لكن اللي عنده راي يقوله لنا واللي له تجربه مثيله يطرحها وله جزيل الشكر مني وشافنا الله واياكم جميعاً، المشاكل النفسيه هذي قويه جداً ولكن باذن الله سنتغلب عليها جميعاً
|
الله المستعان ياخوي لم اتوقع انك جربت هذه الادويه ..... ماعليه ونخوك دائما اذا الدواء نفعك بنسبه عاليه نتحدث عن 80% واكثر يجب ان تستمر عليه ولاتتركه
فمن الممكن اضافه دواء داعم له لكن ان تتركه بحجة انه لم يحقق 100% هذا خطأ كبير ، المتبقي من النسبه لابد ان المرضى يساعدون انفسهم بالرياضه والاكل الصحي والنوم الجيد وورد يومي من القرأن واخراج نفسك من العزله وهكذا ...وعلى فكره طمن نفسك لست الوحيد من وقع في هذا الخطأ هنالك الكثيرين وانا منهم .... في ذهابك الى الجلسه القادمه اقترح على الطبيب هذا الرأي ان يتم ايقاف السيبرالكس بالتدريج وتستمر على سيمبالتا 60 ويتم إضافة دواء ليمكتال مع سيمبالتا 60 ... دواء ليمكتال مخصص للصرع وللاكتئاب ثنائي القطب ولصداع النصفي وللاكتئاب ايضا لكن ليس دواء رئيسي بل داعم لمضادات الاكتئاب عن تجربه يزيد من الفعاليه
وانا شخصيا استخدم الان سيمبالتا 60 فقط. مع ليمكتال 100 ملي ووضعي ممتاز جدا .... اعرض عليه الفكره ولكن في الاخير اتبع رأي الدكتور
وأسأل الله ان يكتب لنا ولك التوفيق والشفاء
|
|
التعديل الأخير تم بواسطة الباررررق ; 09-05-2021 الساعة 05:08 AM
|