المشاركة الأصلية كتبت بواسطة عيون متفائلة

لفت نظري كلامك اخوي ابن بطوطة عن ثنائي القطب
انا احس اني ممكن اكون اعاني منه ، لأن من الصباح لين منتصف الظهر قبل أذان العصر بساعتين أشعر إني على صفيح ساخن من القلق و الخوف و الأفكار اللي تروح و تجي ، تقريبا نفس الأزمات و الأوضاع اليومية، يعني لو تسألني عنها ذي الفترة أو الفترة المسائية تلقى الرد يختلف ، ما اقول ان المساء الوضع يختلف للنقيض، لا ، لكن يخف حجم الأزمات في عيني عن تلك الفترة النهارية، لدرجة اني من شدة الخوف قبل الساعة اثنين ظهرا ابكي ،. قلق يعصف بقلبي احسه يبي يغادر ضلوعي و ريقي يجف.
و التركيز من شدة القلق يضعف كثير لدرجة اقعد اعيد الآيات كثير عشان ابغى استوعبها و اتدبرها لين يجيني صداع بسبب محاولاتي في التركيز..
عاد الله يستر لو كان ثنائي القطب استغفر الله اللهم لا اعتراض و الحمد لله على كل حال
ربي يعافينا وياكم و جميع المسلمين

المشاركة الأصلية كتبت بواسطة عيون متفائلة

اللي اعرفه ان الديباكين يثبت المزاج
هل استخدمه لوحده و يفيد بحالتي
لاني صرت اشيل هم ذي الفترة من كل يوم
حتى يوم اغفو بعد صلاة الفجر اصحى بعدها بساعة أو أكثر و انا اتفزع و قلبي يخفق و الأفكار تتلاحق و تتزاحم و اروح اتفقد اهلي واحد واحد و كذلك بسوسي، اتوقع ان لا قدر الله حصل لأحدهم مكروه، و أحيان اصحى على كابوس أقرب للجاثوم و اندم اني غفيت و اقول ليتني ما غفيت ما يحوج عشان ساعة أو أكثر اعاني كل ذي المعاناة
ربي يربط على قلوبنا جميعا و يرزقنا الأمن في الدارين
اللهم امين