المشاركة الأصلية كتبت بواسطة عيون متفائلة

بالنسبة للوصف الكل يعاني منه ، نفسه تمام و لكن تختلف الكمية، فيه ناس أقل و ناس أكثر ربي يعافي عباده و الا ما كان أحد تناول العلاج

لكن المقصود من سؤالي التوقيت

هل تزداد الأعراض حدة في الفترة النهارية خاصة بين السابعة صباحا و الثانية ظهرا

هذاني من نصف ساعة صحيت على الأفكار المتلاحقة اللي ازعجتني و أحس وقتها أن مصيبة لا قدر الله تبي تحصل

و الله المستعان

لذلك أنا شكيت انه ثنائي القطب.، لأن التوقيت حيرني

تحس اني انسانة ثانية بفترة أخرى ، صحيح انه مو هدوء ملحوظ ، لكن أقل شي مو ذيك الحرب الطاحنة اللي تدور رحاها داخل عقلي و ضلوعي

يعني اعطيك مثال ، مثلا لأن عندي دين مع انه مو ذاك المبلغ لكن احس اني راح انسجن و افقد اهلي لا قدر الله و نطرد من بيتنا ، و كذلك لأن الوالدة و اخواني الاثنين اللي ما لي غيرهم في الحياة مرضى اخاف ان لا قدر الله يصير لهم شي و أفقدهم

شفت ذي الأحداث مثلا تبي تصير أنواع الدراما في ذيك الفترة النهارية و لا يمكن اقنع نفسي بأن ممكن ربي يحلها من عنده و يتلطف بنا و لا يصير ذا كله استغفر الله ..

لكن بعد انتهاء ذيك الفترة المزعجة اقول ربي قادر على كل شي سبحانه و الأقدار تبي تتغير بلحظة دامنا ندعوه و نرجوه
و هو على كل شي قدير و هذا الكلام يبي يقنعني و ارتاح شوي


لذلك أنا ما شفت احد ذكر هذا الشي هنا و تطمنت شوي

الكل ذكر معاناته بدون توقيت

و لا تعتقد اني قد أكون اتوهم و انتظر ذا التوقيت كل يوم لذلك أشعر بكل تلك المشاعر السيئة في ذا الوقت تحديدا ، انا اصلا من بعد الغفوة عندي مسؤوليات و مهام متتابعة ما احس بنفسي و اجلس غير إذا سمعت اذان الظهر.، يعني مو قاعدة على الاريكة و مسترخية و بيدي كوب القهوة و اقول يلا تعالي يا أفكار و وينك يا هموم ،
اصلا مافي وقت ، لأن كل المهام عندي نهارية، اجمعها و احشرها في ذا التوقيت ما في مجال للراحة البدنية ، طيب مو يقولون الرياضة و الحركة تبي تخفف من القلق و التوتر و تزاحم الأفكار و الخوف ، ليش ما صار ذا الشي

احس لو توزع كل فكر و شعور سيء على مدار اليوم يمكن يكون أخف وطأة و قدرة على الاحتمال و ما كنت افكر في علاج أو سبب للمعاناة ، و الحمدلله على كل حال

حتى الأدوية مع اني ما طولت في استخدامها ما ساعدتني بل زادت الوضع سوء ، لأنها خلتني انام عشرين ساعة يوميا ، حرفيا عشرين ساعة مو تعبير مجازي ، كنت انام من الثامنة مساء للرابعة عصرا من اليوم الثاني ، سحبة وحدة مع اني كنت اتناول اقل الجرعات غير زيادة الوزن الفظيعة
و كانت من مضادات الاكتئاب العادية الشائعة زي البروزاك و السيبرالكس و السيروكسات... الله لا يعيدها من فترة