نفساني - عرض مشاركة واحدة

20-05-2021, 02:46 PM

من فوق سبع طباق .. وتحت سبع شداد
ما فيه حاجة تبي تبقي .. على حالها
تمر الايام تركض مثل ركض الجياد
لا زالت الناس في غفله عن اهوالها
لو حادي العيس يدري ليه غابت سعاد
ما سير الركب يتبعها ويبرالها
يلعب به الضيق ما بين الوصل والبعاد
وان ناحت الورق فوق الغضن غنا لها
عن ليلة الطين بين المعتمد واعتماد
قدام لا تجحد وتنكر ما سوى لها
وان عذبته الطواري قال والصوت حاد
انا حفيد الاكابر واطيب رجالها
ماهوب لايق علي الضعف والاضطهاد
حتى لو ان جدها سند على خالها
الى متى بنتظرها عاد مليت عاد
شرهة كرام السبال اكرم من سبالها
و الا عذوبة قصيدي نادره فالبلاد
وما تستحق النوادر ذيك واشكالها
ردوني لعهد إرم واعجاز ذات العماد
ويلي على وقتها واخالف اعمالها
بدال ما انحت جبل انحت قلوب جماد
ما ليّن الدين جانبها ولا زالها
و لا تحسبوني لبست من الليال السواد
انا اللي ان عقدوها جيت حلالها
ويا اصحابي اللي موارثكم مفاخر شداد
الحمله شعيل لا منه برك شالها
ما اخاوي الا كبار القوم بين العباد
لا طرو ان الخيول اتعرف خيالها
حنا أنصار النبي .. ما نعرف الإرتداد
الدين حنا هله .. و الحرب حنا لها