المشاركة الأصلية كتبت بواسطة جواهرر

أهلا تقهويتك

الله يفرج همك لكن ليش اليأس هذا كله
فيه حالات اصعب كثير وعايشه طبيعي

لازم تقتنعين بالعلاج وتقتنعين انك فعلا بتتعالجين لاتسمحين لليأس يدخل قلبك لك حق تعيشين مبسوطه

اعرفي وش المؤثرات الي تسبب لك خوف او ايش يزيد الخوف عندك او ايش الي يزيد اي عرض عندك ، دخلي شيء جديد بحياتك .. روحي لدكتور وحتى لو قال خذي ادويه وش فيها وين العيب ؟ عادي خذي ادويه لك حق تنسين خوفك حتى لو بمساعدة ادويه ليش قاسيه على نفسك

التغير يبدأ من داخلك اولاً اذا مقتنعه وتبين فعلا تتغيرن وتعيشين ، انا ماراح افهم ايش الخوف الي تتكلمين عنه لكن الي فاهمته ومتأكده منه أنه بيختفي سواء كان صعب او سهل بالنهايه بيختفي وخليك مقتنعه اقتناع تام انه بيختفي وحياتك ماراح تستمر كذا ..

فكري مره ثانيه بالذهاب للطبيب او عندك مشكله مواصلات تقدرين تتواصلين مع الطبيب عبر الهاتف بدون الذهاب اليه

المشاركة الأصلية كتبت بواسطة جواهرر

و ياتقهويتك ،، انتي تبين تطلعين من هالمأساة بدون ادويه ، اما بسبب خوفك من الدواء نفسه او بسبب سمعة الادويه النفسيه . انصحك تخلصي من هذي المخاوف واستخدمي الدواء لايضيع عمرك وانتي لسا تصارعين الخوف ، احيانا الوظائف الجسديه وحدها لاتكفي يعني بعطيك مثال عن شيء مختلف جدا وبعيد عن حالتنا ، اذا شخص رياضي واكله كله صحي ويروح نادي ليش يستخدم بروتينات ومكملات غذائيه ؟ وهو اصلا انسان صحي 100٪ يعني حتى وهو صحي جسديا محتاج ادويه ومكملات !

فما بالك اجل بشخص يعاني من اضطراب او اختلال ، حتى لو شيء نفسي ماراح تقدرين تتحكمين فيه بالافكار او بالروتين احيانا الاضافات مثل الادويه تساعد وتفيد ليش نظرتك عنها كذا بالعكس الحمدلله على نعمة الادويه
والادويه ابدا ما اثرت علي لان نظرتي كويسه عنها ومؤمنه بالعلاج