نفساني - عرض مشاركة واحدة - :-[ هطول الثلج على وهج النيران ]-:

03-06-2021, 07:05 PM

ياقلب ريّح مـن أسـبـاب العـنا والعذاب
يوم الفراق ، الفراق الله يجيبه لقا
بسن الطفوله كذا وضعي وسن الشباب
من لذة العمر و أيام الهنا وش بقا
خابرك ثابت و في وقت الخـطـر ما تهاب
و عندك على الصعب والشدات ردة نقا
أنا أدري أنك تشـيل من الليالي صواب
تشاركوا فيك عـدوانك مع الأصدقا
وأنا أدري أنـك تتعذب كل ما الظـن خـاب
وأنا أدري أنك تجـمل بالـرجـى و اتـهـقا
ياسكروا باب يفتـح ربك الـفـين بـاب
لله الدعاء لله بس الـبـقـا
ماوالله أسـجـد لغـير اللي يسوق الـسـحاب
يا علنا من عـذابه والـجـحـيم اعتقا
يا قـلبي عيني تشوف و لا عليها ضـباب
عيـشة هل الكبر لو هي بالنعيم امـحقا
لولاي مصدوم ومجرب فـقـدت الـصواب
حـد الـتـراب الـبـشـر ياللي تحفرون التراب
اللي لقا ما بـحث واللي بحث ما لقا
ياقلب تو الكلام و تو كشف الحساب
لابد ما ينزل اللي بالظلام ارتقا
يكفيني الأوفـياء و البـاقيـه للذهـاب
يكفيني اللي على طول الزمان اوفقا
حتي القمر بالنـهايه يتجه للغياب
و أرجع و أكرر من أيام الهنا وش بقا