نفساني - عرض مشاركة واحدة

07-08-2021, 03:53 PM

السلام عليكم جميعًا

راح ابدا بقصتي من البداية..
انا حصل لي صدمة كبيرة قبل شهرين، ومن هذاك اليوم وانا ماني طبيعية.
خلوني اعدد لكم الاعراض اللي جتني من البداية:
- اول ماتلقيت الخبر كنت صامدة وتوقعت اني صبورة وقادرة اتحمل ماشاءالله.
- بعدها شوي شوي بدت تجيني وساويس وافكار كثيره متعددة، ممكن اموت، ممكن ااذي عمري، ممكن ااذي احد، والعديد من الوساوس اللي ماقدر اوصفها واللي جننتني.. كنت امسك راسي واصييييح ماقدر اوقف الافكار.
- كنت بهذيك الفترة من الهم والغم اللي فيني ماقدر اتحرك ماقدر امشي، كله منسدحه ماقدر اتحرك.. الشي الوحيد اللي كان مصبرني قربي من ربي والصلاة والدعاء وقيام الليل..
- بعدها صار اللي كنت خايفه منه، ان الشيطان يوسوس لي ويقول لي وين الله؟ ليه تصلين؟ ليه تدعين؟ هل الله موجود اصلا؟ مين خلق الله؟ اعوذ بالله من الشيطان الرجيم افكار مالها اول من آخر..
- هذي الفكرة بالذات كان غصب علي لازم اتجاهلها لان قربي من ربي هو راحتي الوحيدة، بس للاسف تجاهلتها وصرت ما اصلي عشان ما ترجعلي:(
- اخر عارض واللي بيجنني هو "اختلال الانيه" لو اكتب فيه مجلدات ماراح اخلص، شعور مؤلم جدا.. احس اني بحلم، احس اني ماعرف نفسي ولا اهلي ولا اي شي حولي..
- بعدها قررت اروح دكتور وشخصني بالقلق الشديد واحتمالية عسر مزاج، ووصف لي احد انواع الادوية اخذته شهر واسبوع لكن لايوجد نتيجة، وفي هذه الاثناء رحت لاخصائية ووعدتني بالتحسن باذن الله وقالتلي راح نبدا خطة علاجية..
- الحين انا انتظر موعد دكتوري الجاي عشان نشوف شوضع الدوا اذا ممكن يغيره او يزيد الجرعة..وبعدها عندي موعد مع الاخصائية..

اذا بتسالوني وش الهدف من كتابة الموضوع، انا اقولكم اني ابيه يكون مرجع لي ولكم لما ابشركم بشفائي باذن الله..
بالرغم من كل اليأس اللي متملكني حاليا، لكن واثقة انو مافي شي يبقى على حاله وباذن الله بجي اقولكم قصة شفائي..

المصدر: نفساني