نفساني - عرض مشاركة واحدة

13-08-2021, 12:15 AM

السلام عليكم ورحمة الله وبركاته

كيف حالكم يا اخوان المعاناة ربي يخفف علينا وياكم و يرفع درجاتنا بما نلاقي و يكفر عن سيئاتنا و يعظم اجورنا في الدارين

ابو نجلا اخوي المشلول توفي فجأة قبل أسبوعين الله يرحمه و يجعل مأواه الفردوس الأعلى.. انكسر ظهري ماني مصدقة للان استغفر الله و الحمد لله على كل حال

دخلت عليه صباح الجمعة اللي قبل الماضية رفض يفطر و قال سامحيني اتعبتك .. و بعدها غفا قبل صلاة الجمعة لأن آخر وحدة شافته مفتح عويناته الوالدة و قال لها ادعي لي .. و يوم دخلت عليه قبل العصر لقيته ما زال نايم .. انا استغربت انه طول بالنوم مع ان مو عادته .. قلت يمكن لأنه سهران الليلة الماضية و رجعت انشغلت بغسل الملابس و كيها و قلت طالما اخوي و امي عنده ما عليه خلاف ، لين صليت المغرب و دخلت عليه لقيت الزبد الأبيض يظهر من فمه و بلا نفس أو نبض ..

شي ما يوصف بس اللي كان مطمني إن شكله نايم ، ملامحه مسترخيه مغمض عيونه لين طلبت الإسعاف و أكدوا وفاته الله يرحمه و يجعله يسبقنا لفسيح جناته جنة الفردوس الأعلى و موتى المسلمين