نفساني - عرض مشاركة واحدة

28-10-2021, 01:56 AM

السلام عليكم و رحمة الله و بركاته

حياكم الله جميعا اخواني الكرام ربي يحفظكم على تفاعلكم

اخواني الخبر اليقين و ابو نجلا و سعيد و الهجام و الباقيين لي عودة للرد بالتفصيل ربي يحفظكم و يبارك فيكم

الحين اعذروني ربي يحفظكم مو فايقة نومي متقطع و الصداع ملازمني

بالنسبة لأخواني الهجام و سعيد الصيدليات هذي النهدي و المجتمع و الدواء و غيرها يكتبون انه متوفر و يوم تحمل تطبيقاتهم و تطلبه تبي تشريه بموجب رقم الوصفة يرجعون يتصلون علي يقولون غير متوفر

ثم ترفع بلاغ لتطبيق صحتي يقولون لك غير متوفر بصيدليات جدة كلها

ثلاث مرات ارفع بلاغ لتطبيق صحتي على مدار ثلاث ايام يقولون مقطوع تماما من جميع الصيدليات

حرفيا الجوال له فوق الأسبوع ما يطيح من يدي

كل وسيلة ممكنة اتبعتها

و اللي يقولون كرامة تراكم فاهمين الموضوع غلط

انا لو بإمكاني أوفر اي شي لاخواني المسلمين حتى غير المسلمين و كل الكائنات من حيوانات و طيور ما تأخرت لحظة لأن هذا مو منة مني و لا أخلاق، إغاثة الملهوف واجبة على كل مسلم بدون ما تفكر أو تبرر أو تقدم الأعذار لأنك ستؤثم ، إغاثة الملهوف عمل واجب ما يخضع للاختيار أو الظروف ابدا..

بعدين انا ادري ان التعبير خانك ، انت تقصد بذاك الرد الطويل انك تبي حل دايم مو مؤقت تجنبا لذا القلق و تلف الأعصاب

المشكلة ان غير أن له قريب الخمسطعش يتناول هذا الدوا الوحيد اللي شبه ناسبه و ارتاح نسبيا من جلسات الكهرباء و التنويم المستمر

كل أدوية الفصام اللي تتخيلها مرت عليه بدون أدنى فايدة بل زادت حالته سوء ، خلته مثل الرجل الآلي لا تقدر تفهم وش يقول بطي الكلام الحركة و الاستيعاب على طول نايم و وزنه في انفجار

رغم سلبيات ليبونكس هذا و ان برضه مزود وزنه مع ان أكله اكل طير ، ممكن يعدي يوم كامل ما يتناول الا ساندويتش أو اثتين بالكثير بس عشان يبلع الدوا

و حتى هذا ليبونكس رغم أنه يتناول أقصى جرعة منه ممكن يتناولها بشر بواقع حبتين يوميا بقوة ١٠٠ ملجم إلا إنه ماهو مسيطر على نوبات الوسواس القهري الفظيعة اللي تبي تطير عقله و لا الخوف و الرهاب

لكنه أهون السيئين بالنسبة له ، لأن الفصام اللي عنده من النوع الشرس العنيد المقاوم اللي مو بس دفعه على التفكير بالانتحار الا دفعه للانتحار بتقطيع شرايينه لولا ربه الحمد لله انقذه في آخر لحظة و الا تصفى دمه ، لذلك هو مو مجرد يفكر إلا طبق ، لذلك لا تلومني على ذا القلق ، تراه قلق مو مذلة ..

دامك تسطيع تدفع الحمدلله من جيبك و لا أحد له عليك منة ماهي مذلة ، الناس للناس و الكل بالله ، و المرء كثير باخوانه، و ترى لو اخوك طلب منك خدمة تبي تلبيها و لا تقول فيها مذلة ، و اخوك ترى مو بس اللي انجبته امك الله يحفظها.. فيه اخوان لك في الله يسوون شوارب و قبايل ، تشوف منهم الفزعة اللي ما شفتها من ولد عمك اللي من لحمك و دمك

بعدين انا مستغربة ليش وزارة الصحة تصرفه قريب الخمسطعش سنة و الحين كل فترة يرعبونا بانقطاعه

فقط السنة الأخيرة ذي ، و الا ما عمرنا تفاجأنا بشحه و انقطاعه و الله المستعان

أبو نجلا معجب بهذا