المشاركة الأصلية كتبت بواسطة راجية العافية

السلام عليكم
اسال الله العظيم ان يشفى مرضى الوسواس وجميع مرضى المسلمين ،،كنت بسال عن افكار تجينى لو حد مثلى ،،، انا يعانى من سنين من الوسواس يجى ويروح لكنه موجود بس أعالج نفسى بالتجاهل والتطنيش وصرف الافكار ،،،وطبعًا الاحلام موجودة لكنى احاول اتجاهل بس من وقت للتاني تخنقنى الفكرة خاصةً لمًا تكون مصاحبة لحدث او تاريخ زى الخوف من مناسبة او تاريخ مميز او حدث قادم او سنه جديدة ،،،هل دى افكار عاديه للى عنده وسواس ام شعور حقيقى ،،انا من كتر الخوف بقيت اخاف احكى او اتكلم مفيش حد غيركم انتم اللى ممكن احكى معاه لانكم هتفهمونى ،،، معلش لو كلامى ملغبط بس مجرد الشرح بالاستفاضة بيخوفني ،،،والله انا بجاهد نفسى جداً ومش بستسلم والحمدلله بتعدى لكن ساعات كتير بتضيق عليا يمكن من كثرة الاحداث والفواجع اللى اصبحت فى كل مكان وانتشار الاخبار السئة سواء على المستوى الفردي او احداث عامة نفسى اسمع اخبار حلوة بتحصل اكتر من الاخبار السئة ،،،اللهم لا اعتراض بس القلب موجوع اوى والخوف والقلق مش سايبني