نفساني - عرض مشاركة واحدة - ساعدوني في حالة ولد مراهق يجزاكم الله خير من وره كل حرف تكتبينه لي

19-01-2022, 04:08 PM

ساعدوني في حالة ولد مراهق يجزاكم الله خير من وره كل حرف تكتبينه لي

السلام عليكم ..

إخواني وأخواتي ..

عندي استفسار ..

ولد عمره 15 سنه صار من ٥ شهور تقريبا يخاف من العين بدرجه فظيعه ..صار يوسوس إن كل شي بالدنيا عين ..راح تصيبني عين من فلان او علان ..ما يرتاح إلا لما يقولون ماشاء الله ...طبعا هاي الحاله عنده من ٥ و٦ شهور لان قعدت البيت وماشي مدارس وكرونا وحجر صار الوضع غير عن قبل بوايد ..فمافي شي غير إن يوسوس وياكل بعمره...

وطبعا يفكر ان صابته عين خلاص حالته الصحيه راح تتدهور او خلاص تدهورت مجرد شخص حط عينه في عين الولد يشل الدنيا إن خلاص راح ييب لي العوق ..

حاولنا نفهمه ونقنعه إن يتوكل على الله سبحانه وما يفكر ..بس ماشي فايده ..

اذا احد شاف إيده وما قال ماشاء الله يقول له احس ايدي تعورني...اذا احد شافه وما قال ماشاء الله يقول احس شي غريب لان ما قال لي ماشاء الله ..اذا احد سمع صوته وقالوله صوتك حلو رد قال وسوا مناحه صوتي اخترب لان هو حسدني

ومن وتقريبا من شهر..صار من يدق راسه بالغلط از احد ضرب على راسه ..سار وبحث بالنت شو تاثيرات ضربة الراس ويقعد طول اليوم يفكر ..يقول يتني ضربه في الرأس من الباب او مخده او اي شي ويقعد يقول لا معناته بيصير شي بالرأس بسم الله عليه

لين تقريبا من اسبوع راح يلعب مع الاولاد بالحوش..الكوره يت في ويهه وضربه عادي يغني الكل يلعب كوره وتعرفون ضربات اللي تيي أثناء اللعب ..ناس ماشاء الله تضرب الكوره براسها..وهو لما يته الضربه في ويه من صديقه ..خلاااااااص

إني أظلمت الدنيا بعينه..بدت حالته النفسيه تستااااااااء وتستاااااء وتستااااء دخل في حالة ألعزله واكتئاب وبكاء من غير سبب ..شهيته انسدت ونشاط قل وحركته قلت ..بس قاعد بالفراش ماله نفس لي شي وحزين ...

ولما سألناه..قال انتو ما تعرفون حالتي انا تعبان انا مب طبيعي انا في شي متغير ..من ضربة الكوره...قلنا هاي الامور عاديه مافيها مشكله..رد علينا قال لاااااا انتو ما تعرفون إن ضربه راس والوجه تدمر ٦٦٠٠٠ خليييه في الراااس انتو ما تعرفون ...

فلما قال ٦٦٠٠٠ خليه ..عرفنا ان يقعد يبحث في القوقل عن لأمراض وضربات لدرجه ان دخل في وسواس المرض ...

بكاء حزن واكتئاب وعزله وخوف حتى ما يبي يقعد بروحه..

يا ريت تنصحوني في حالته إخواني ..

عل و عسى اطلع بالحل معاكم إن شاء الله ..

واعرف كيف المفروض نتصرف معاه..

دعواتكم

المصدر: نفساني