|
تطلقت وجاني اكتئاب حاد تكفون واسوني وادعولي
السلام عليكم
انا تطلقت للمرة الثانية وهالمرة جاني اكتئاب شديد جدا جدا وشخصني الدكتور بأنه اكتئاب حاد وصرف لي نوعين ادوية
صرت مااقدر انام
وطول وقتي قلبي مقبووووض ويعورني مرة
لا آكل لا أشرب لا أضحك لا أسولف ولا أكلم أحد
كل يوم افز من نومي قلبي يررررجف ومقبوض ويديني وصدري فيهم حرارة وحرقة
طليقي كنت أعشقه عشق لو يطلب عيوني عطيته لكنه للأسف بين عشية وضحاها باعني واشترى مصلحته ومصلحة عياله وانا جلست مصدومة ومنهارة
الاكتئاب افقدني نفسي وعيالي تأثروا وصرت مااروح لعملي واخاف اخسر وظيفتي وهي أملي بعد الله
مااقدر اروح للعمل لأنه كان يشتغل معي في نفس المكان بس الآن انتقل لعمل جديد
مااقدر اروح واشوف مكانه كل يوم
تكفون علموني ووجهوني وش اسوي
لاتقولون غيري عملك انا بالموت حصلت هالوظيفة مااقدر اغيرها بسهولة
وهل السبرالكس مفيد للاعراض اللي ذكرتها فوق؟
وأخيرا ادعموني وواسوني وادعولي تكفون يا إخواني وأخواتي
|