نفساني - عرض مشاركة واحدة

01-03-2022, 07:34 PM

اقتباس:

المشاركة الأصلية كتبت بواسطة سكون النفس

هههههههههههههههه ماعلقت على هذه الفكره المجنونه اللي ضحكتني كتييييير لأنك

كتبتها أيام غيابي ٠٠٠٠ أتوقع لو شفت هذا القط سأعرفه من دقة وصفك له (:

أتخيلت حالته بعد ماتعطيه الأدويه (:

تذكرت الشقة يلي كنت فيها في ذلك الوقت.
غيرت شقتين بعدها .. لكن تلك الشقة فيها مشاعر خاصة لا أنساها لأنها الأولى يلي سكنت فيها من جيت السعودية.
مشاعر الحالة مابين الوطن والغربة .

على الأغلب هذا القط مات حزين ومهموم .. حياة قطط الشوارع صعبة وقاسية زي حياتنا .. جوع وخوف وبرد بالشتاء وحر بالصيف ومعارك على النفوذ والأكل والمزابل ..ما حدا مرتاح على هذه الأرض .. القط يقاتل بشراسة للدفاع عن زبالته وعلى الأغلب يكون انولد بنفس المنطقة وورث درامات الزبالة عن أبوه ووصاه يحافظ عليهم? .. الوجاهة وحب السيطرة والمال غريزة عند البشر والحيوانات .. الفرق فقط انه عندنا ( مال ) وعندهم ( زبالة ) . القطط ما عندها ملكية يعني ماعندها مكان تحفظ فيه ما تستحوذ عليه حتى جيوب ماعندها.

إذا شفتي قط جالس يتأمل على حافة درام زبالة فهذا يعني : أنه وجد طعام وأكل وشبع والآن هو جالس ينتظر ليجوع مرة ثانية لينزل مرة ثانية في الدرام ويأكل ما دام الأكل متوفر لأن الأكل هاجس يشغل باله دائماً .. هو يعرف أنه رح يجوع بسرعة .. القط جوعه شديد ومفاجيء واذا اكل يشبع بسرعة.

أثر فيني مقطع فيديو من حي شعبي تم هدمه في جدة مؤخرا .. في المقطع عشرات القطط سارحة في شوارع الحي المهجور مع بعضها تبحث عن طعام .. نسيت الخلافات والصراعات بينها .. ما عاد في زبالة يتهاوشو عليها .. ماعاد في ناس .. درامات الزبالة أصبحت فارغة .. والقطط مو عارفة وين تروح .. تمشي ورا يلي يصور المشهد وتموء وكأنها تستغيث به.

ريميرون هو يلي خلاني أعرف الجوع الشديد وأحس فيه وخلاني أعرف طعم الباذنجان وهو غير مطبوخ كان ذلك قبل ٩ سنوات وكنت راجع عالبيت من مسافة ٢٠٠ كم وجعت بشكل غير طبيعي بالسيارة وأول مرة يصير معي هيك وما قدرت أصبر وكان معي باذنجان وكوسا بالسيارة وأكلت الباذنجان وكأني آكل تفاح وضحكت على .....
ريمرون أسبوعين فقط ورميته في الزبالة ( يخرب بيته شو ماحبيته ) على قولة ظل وسكون.
كنت آنذاك في مرحلة البحث عن الدواء المناسب.