ياهلا وغلا بالجميع

مبدئيًا هاذي الاعراض مع قصة قصيرة عني /

رهاب اجتماعي ممزوج مع الإكتئاب مع حزن عميق يسكن في روحي وكأنه رفيق عمري
لاسعادة ولا احساس بلمشاعر من حُب من فرح من كل شي الحزن في وسط الروح متوغل
ابسط الاشياء الي تخليك سعيد نزول المطر الأجواء الحلوة وغيره انا سادة المشاعر للأسف!
وهذا الشي صار قريب من 5 سنوات واعرف انه تراكم نوبات الهلع مع الضيق والقهر الي عشته ذيك الفتره هذا نتايجه
ماعلينا هذاني جالس اصلح واسوي fix للمخ ،،

—
اول تجربه لي كانت مع سانت جون :
ومن اسمائها عشبة القديس يوحنا او العرن المثقوب او عشبة القديسين :

تحتوي على المركبين hyperforin و hypericin جرعة 300mg
اول اسبوع كان عبارة عن كهربة راس وتثاوب لايطاق بشكل مزعج
وكنت احس معها بشعور النشوة
استمريت قرابة شهر وخلصت العلبه وتركتها .

**

مريت بعده في أسوا اكتئاب ووبعد بحث واستشارات بديت مع لوسترال او زولفت وهذا له موضوع لحاله ياليت المهتم بتفضل بلرابط
https://www.nafsany.cc/vb/showthread.php?t=137927
لن مالي خلق اكتب عنه اكره هذا الدواء اللعين.

**

بعده بقرابة 3 شهور تعبت وكان لازم اشوف لي حل وبديت اخبص في المكملات الخطيرة الي تلعب على الناقل السيروتونين
كانت أسوا تجارب في حياتي يالله الحمد لله انه تخلص جسمي من كل اثارهم ..

ثالث تجربة كانت مع 5HTP :

كنت اسخدمت جرعة 200mg وبعده خلاص ادوخ وانام مافي اي طاقه وخلاني متبلد مشاعر او بعبارة اصح زومبي
صرت انام 20 ساعة متواصله والله جد 20 ساعة عبارة عن شخص ميت على فراشه اليوم 24 ساعة متخيل ؟!
من اثاره المزعجه دقات قلبي بطيئة مره ويعطيني احساس التبلد .
وانا استخدمه كنت مره ضايق وحزين ): يالله لاتعودها من ايام .

تركت الـ 5htp بعد قرابة شهرين لانه خدرني ولا له اي مفعول غير انه يخليني حزين وانام طول وقتي

**

رابع تجربة بديت في اشواغاندا Ashwagandha :

هذا بعد كان خطير وله تأثير قوي ومُخدر ويخليك تنام بس عايش عشان تنام !
فقدت معه رغباتي بلحياة وكل شي كان باقي معي من شغف وغيره
على المستوى الجنسي كنت اصلن ناسي شي اسمه جنس مره ماتفكر فيه انتا شخص متبلد وانام 18 إلى 20 ساعة
اتعبني حيل وكملت معاه شهرين وتركته .

لما توقفت مر شهر حسيت في شي غلط راسي كله مليان ضغط واحس بشعور الخوا !
تخيل هذا الشعور لازمني قرابة 6 شهور لين تخلصت منه .

**


الخامسة رجعت من جديد مع سانت جون :

وهالمرة استخدمت مستخلص موحد من hyperforin فقط وبجرعة 300 mg
كنت مقرر انه اركز على علاج اكتئابي بأي طريقة بدون تدخل دواء كيميائي
استمريت شهرين عليه لين خلصت العلبة
حسيت رجعت لي مع سانت جون تقريبًا مشاعري وصرت اعيش يوم حلو نوعًا ما بس باقي الإكتئاب ماراح
الي حبيته انه بدون وجود اثار جانبيه .
لاكن ماله تأثير قوي على الإكتئاب بحكم انه مستخلص من جزء تركيبي واحد الهايبورفين له تأثير على الإحساس بلمشاعر والسعادة.
وقفت قرابة شهر ماستخدمت اي مكمل بعده.

**

السادسة كانت مع ليثانين L-Theanine 200mg :

هنا حسيت انه تجربة ناجحة كان تأثيره مُهدئ ويخليني مروق ودقات قلبي هادئة انا شخص مدمن شاي بكثرة وكان تأثيره مع الكافيين تكميلي وبحكم انه من مركبات الشاي ،
حسيت انه صرت جريئ ومافي اي ضغط وصرت اقدر اتحرك واقضي يومي بشكل حلو
بعد قرابة شهرين كنت استخدمه وقت مابي واشوف التأثير الهدوء.

ماله اي تأثير على الإكتئاب وان كان هناك فهو تأثير مهدي لا اكثر.
استمريت 3 اشهر وتركته وكنت استخدمه وقت ماحتاجه.

**
التجربة السابعة مع SAM-e 200mg + 400mg :

استخدمت SAM-e بشكل متواصل بجرعة 200 كانت تأثر على النوم بشكل كبير وصرت انام من جديد 20 ساعة متواصله يقطعها وقت الصلاة اصلي وارجع اطيح انام ):
مافي اي تأثير او اثر جانبي خطير غير النوم ولا انصح احد فيها باقي عندي 4 علب جديدة للاسف كنت متحمس لها بشكل كبير .

**

<<<< النهاية >>>>
**

هاذي السنه 2022 بديت في الحمض الأميني تيروسين l-tyrosine الي يأثر على بعض النواقل ومنها الدوبامين وعسى الله ينفع به

راح اكتب ملخص التجربه بعد قرابة 3 اشهر ..

وكل عام وانتم إلى الله اقرب.

المصدر: نفساني