|
وقفت الدواء ولكن احتاج مشورتكم العاجله تكفون
انا بدأت الدواء قبل سبع اشهر وتركته قبل اسبوعين ونص وكان بطريقه معينه وببطء وتدريجيا الدواء من فئة سيبرالكس
مع التدرج جتني صعقات كهربائيه قويه جدا بمجرد ما ارجع لدواء تروح طبعا مع الوقت خفت جدا جدا الى ما صارت لا تذكر
خفت اعراض نسبيا ولكن اثرت علي جنسيا بشكل كبير جدا وسببت لي تبلد مشاعر قوي لا اشعر لا بحزن ولا فرح
لذا طلبت دكتورتي التوقف
تحملت الصعقات الكهربائيه وتعايشت معها الى ما اختفت
الان بعد تقريبا اسبوعين ونص جتني ضيقه فجأه ضيقه زعل بدون سبب
بالرغم ان اموري كانت تمشي على احس ما يكون ودي ما خططت لها
فجأه كنت بتجمع وانقلب حالي وكنت اقول ضيقه لحظيه وتختفي لان سبق جتني بس مجرد ما اصيح ارتاح مجرد ما افضفض تروح
حاليا ضيقه بدون سبب بدون صياح ما اقدر اصيح ما اقدر ابكي كملت تقريبا اسبوع وانا ع نفس الاحساس والمشاعر والدواء ما ابغى ارجع له وبنفس الوقت ما ابغى الاعراض تجيني ولكن تفاجئت ان واحد مننا رجع لي وهو اذا طلعت ومشيت ووقفت يجيني خفقان وحراره وتعب كاني مشيت كيلوات طويله بس الفرق اني صرت اتفهمها واقول لنفسي مجرد عرض نفسي
انا خايفه جدا تعبت نفسيا ابغى ارجع زي اول ابغى اعيش حياتي طبيعيه قصرت بحق بيتي وعيالي ارجوكم ارجوكم طمنوني ارشدوني
|