المشاركة الأصلية كتبت بواسطة aziz308

افضل علاج للوسواس جربته هو أدوية استرجاع السترونين لكن تحتاج وقت من 6 شهور إلى 9 شهور بالانتظام على الجرعة الفعالة
مع اخذ مكمل غذائي اسمه أوميجا3 والله ياجماعة الخير الاوميجا 3 عجيب جدا اخذته قبل سنتين ونزل معي الوسواس إلى صفر % والحمد لله مع الاستمرار على الدواء والاميجا3 ماشاء الله نتيجة ممتازة جدا
حاليا اخذ سبرالكس 20 ملجرام مع أوميجا 3 اخذته من الصيدلية ولو اخذته من برى ارخص من اي هيرب وأموري تمام الحمد لله

والله مانفع معي جلسات سلوكية من مركز مشهور كلها جلسات نفسية كلام فاضي لاتسمن ولا تغني من جوع كلها خسارة اموال على الفاضي
وسويت جلسات كهربائية مافادت وسويت كل شي
هذا ملخص تجربتي لمدة 20 سنة


اللي مايبي يتعالج بالادوية مشكلة جدا مافي علاج للوسواس من وجة نظري إلا العلاج بالادوية لضبط مادة السترونين الله خلقنا هكذا وخلق لنا العلاج رحمة منه اللي يبي تعالج يتعالج واللي مايبي الله يعينه يضيع وقته
حبيب انقلكم التجربة لاني مريت باللي مريتوا فيه كان معي وسواس شديد راسي مثل اللمبة كان الوسواس معطل حياتي معطل عملي معطل كل شي افكار انتحارية اكتئاب شديد بكاء حالتي حالة مايعلمها الله الا الله والحمد لله منى الله علي بالشفاء