نفساني - عرض مشاركة واحدة - قصة نجاح في التخلص من الأدوية النفسية (الأعراض الانسحابية)

22-07-2021, 07:42 PM

اقتباس:

المشاركة الأصلية كتبت بواسطة متعافيه يارب

يسعد مساهم
بداية معرفتي بالسبررالكس سنة 2011 والسبب معدتي اللي ماكنت اعرف لها علاج لما زميله لي الله يسامحها الى ذاك الوقت قالت لي عمها مادري خالها ياكل هالحبوب للمعده المشكله اجهل شنو هالحبوب ولا ادري شنو له بالضبط والاكبر قالت اسمها( سيبرالكس 20 ) مو 10 بعد ههههههه

الوكاد اخذته من الصيدليه خلال عشر ايام الوضع تمام التمام ونسيت شي اسمه معده والاكثر صارت لي جوانح من السعاده والاندفاعيه للحياه بشكل مو طييعي ولا كنت اشك واحد بالميه انه الحبوب هي السبب والله لدرجه وحده من خواتي تقولي شنو سبب السعاده هذي اقولها من سورة البقره وصحيح بشكل يومي اقراها من عمر وهي كانت احد اسباب علاجي من بعض الاثار الانسحابيه .. المهم سنة 2015 عرفت حقيقة هالحبوب بالصدفه ،، الصيدليه اللي دايمن اخذ منها منتجاتي فيها مصري صيدلاني وانا اخذ اغراضي ومن ضمنها السيبرالكس قال ليش تاخذين هالحبوب قلت عشان المعده !!!!!!!! انصدم وصدمني وقالي ماهية هالحبوب وربي صدم عيشتي ولاني متوقعه ان هذا النوع من الحبوب ماينصرف الا بالمصحات النفسيه او لازم وصفه.. وشلون تنباع بالصيديله كانها حبوب بنادول

للامانه قعدت مكلمه عليها لان قالي بالحرف انها مالها مضره ..

لكن بديت باعراض غريبه سنة 2017 خمول نوم كثير دافعيه قليله دوام طناش بديت شوي شوي احب الوحده لين فعلا عشت دور الوحده .. ولا احب التجمعات ولا احب اشارك بالمناسبات الا القليل القليل

وعرفت سبب اللي اعيشه من هالحبوب خليتها فجاءه اربع ايام جتني حاله مو طبيعيه خوف ارتباك حزن الخ

تاكدت لاني فاقده هالحبوب فـ رديت لها وكملت باقي السنين اللي بعدها

الى تاريخ 2/2/2021 هني بداية الحزم والقوه والاتكال على الله بكمل لكم بعد ساعات قليله

كتبت بالتفصيل الممل حتا تعيشون معاي صح

أختي المتعافية

رائع. كلامك جميل، وتفصيل ممتاز غير ممل.

شكرا لك على هذه المشاركة الجميلة

بالعكس اكتبي تفاصيل أكثر فنحن للشوق لمعرفة تفاصيل قصتك.

ثم الحمد لله على سلامتك. وقدر الله وما شاء فعل. هذا ابتلاء قدره الله عليك. والحمد لله إنك عرفتي حقيقة هذه المهدئات، لأنها تغش الإنسان، في البداية تشتغل روعة، ثم بعد فترة تبدأ تنخر في الجسم، وتبدأ تظهر آثار جانبية متعبة من خمول، وتعب، ونوم طويل، وفقد الإحساس والشعور والإنسانية، والبكاء، الخ...

قصتي شبيه بقصتك، فأنا ما كنت أعاني من أمراض نفسية ولله الحمد، كنت أصلي وأعبد ربي، وكل شيء زين، فقط تعرضت لظروف خارجية أتعبتني، وسلبت مني النوم، فكلمت الطبيب النفساني ووصف لي سيبرالكس، وقال هي آمنة، وممكن تتركها بسهولها، فصدقته، واستعملتها لمدة 6 سنوات ثم بدأت الآثار الجانبية تظهر من نوم طويل، وخمول، ووو الخ. وباقي القصة التي ذكرتها هنا في هذا الموضوع.

على كل حال، حياك الله، وأكملي قصتك بارك الله فيك.

وياليت تخبرينا بالتالي:

1 - هل أوقفتي الحبوب بالتدرج، أم فجأة ؟

2- ما هي الأعراض الانسحابية التي تعانين منها الآن؟