المشاركة الأصلية كتبت بواسطة باحث عنى

السلام عليكم اخوانى واخواتي الاعزاء
انا عندى تجربة مع نوبات الهلع قديمه وكنت كتبتها هنا فى الموقع باختصار هى بدأت فى 2008 لما توفى أحد أصدقائي بعدها حسيت بأعراض المرض والخوف من الموت وطبعا دوخة وعدم اتزان خاصة فى الصلاة وفى الجنازات وعلى المقابر
طبعا توجهت لجميع الأطباء والشيوخ كعادة كل اللى عندهم نوبات الهلع وكنت بموت كل يوم وطبعا كانوا بيقولوا أن انا سليم وعادى أنهم يقولوا كدة ماهما مش حاسين باللى بنحس بيه المهم حاولت اتأقلم وعشت حياتى بالطول والعرض وتقريبا نسيت وكنت أتجنب اماكن كتير من كتر الخوف لكن الايام دى وتحديدا من شهر 1 / 2022 والى الان وبعد صدمة رايتها بعينى حادثة لموت طفل امامى حصل لى حالة خوف شديدة
ودوخة شديدة جدا يعنى واقف دايخ قاعد دايخ نايم دايخ والله كأنه الموت طبعا زرت جميع الأطباء تانى كل التخصصات
ورسم قلب وأشعة على المخ وعدة درقيه وصورة دم وغيرة والحمد لله ما فى شىء فقط فيتامين دال طلع عندى 21 ومش عارف إذا كان هو السبب ولا لاء وانا لا أظن أنه السبب لأن الأعراض صعبه جدا لدرجة انا خلاص استسلمت وبقالى 7شهور لا أخرج من المنزل وتركت عملى وبفكر انفصل عن زوجتى لأنها اكيد زهقانة منى دلوقتى وجربت ادويه كتير زى باروكستين وسيبرالكس وتربتزول واميبريد وبوسبار وسيتالو وكلهم تعبونى اكتر ما انا تعبان اخد يومين تلاته وأبطل واغير النوع واتعب والشيوخ بهدلونى واحد منهم خد منى 3000 جنيه ولا حصل اى حاجة بصراحة أنا احتارت وكرهت حياتى ومش عارف اعمل انا عايش فى سجن وبموت فى اليوم مائة مره ادعولى بالشفاء ياجماعة لعل يكون منكم أحد قريب من الله ودعوته تستجاب فى هذه الايام المباركه وكل عام وانتم بخير وربنا يشفينا ويشفى جميع مرضانا المسلمين ويشفى كل مريض نفسى يتألم لا يعلم بمعاناته الا الله عز وجل