نفساني - عرض مشاركة واحدة - :-[ هطول الثلج على وهج النيران ]-:

15-10-2022, 10:47 PM

كنت في مكان ما قبل امس الى قبيل الصبح
في اثناء قعدتي في المكان أتفاجأ بسيارة شاص فيه اثنين ، أوقفوا سيارة كورولا و فيها اثنين ، راعي الشاص سقط على الكورولا و أوقفهم بالقوة
نزلوا الاثنين اللي في الشاص يبغون راعي الكورولا ، نزل سواق الكورولا ، انا انقهرت من الحركة لكن السالفة انهم كانوا على شارع تقاطع و ما ادري من اللي ما ترك للثاني يعدي

ما دار من حديث في اثناء المعركة ماني ذاكره مع انهم ضحكوني يعني شوفة الهيئة و الشكل مع الحركات شي يفطس ضحك لأن راعي الشاص صار يضرب راعي الكورولا كم ضربة متفرقة بس الجميل ان الراكب مع سواق الشاص ما عزز لأخوه بس خلاه ياخذ المقسوم المهم آخر شي فرع بينهم أخو سواق الشاص .

و راح كلٍ في طريقه و انا صاير اقكر فيهم و اضحك من ردود الإثنين و اللي زود الضحكة ضربات سواق الشاص هههههه

تميت في مكاني إلى الصبح
ثم أردت البيت و لفت نظري البراحة اللي جنب بيتنا ما جاها الشيول لأن بالعادة بين كل فترة و فترة يجي الشيول يبرح الأرض الخلاء و يقلع الشجر و العشب اللي فيها و هذي العادة صادرة من البلدية في جميع نواحي حيّنا و الأحياء الحادين لنا

المهم أناظر الشجر اللي بالبراحة الا كبر و كثر و لقيت النحل وش كثره قلت خلني اصورهم

زادت خضرتها طبعا علشان الجو مع انه ما نزل المطر بس الضباب جانا كم مرة و تعدل خصوصا جو الليل أما النهار صحيح تعدل بس مو ذاك الزود المهم حماة الشمس كل مالها تخف

ظل امرأة معجب بهذا