المشاركة الأصلية كتبت بواسطة لوليتا دايت

ياعمري ياحجر الله يسعدك دنيا واخرة دايما دخولك وكلامك يهون عليه
انتي عارفة انا بالعافية وبخوووف رحت عند اخصائي اشعة اسوي فحص وقال الحمدلله كل شي سليم بس عندك التهاب بالغدد اللمفاوية ممكن جرح بسيط اي سبب يسبب كده افتكرت اني كنت قبلها بيوم متطعمة جرعة 2 فايزر لقاح كورونا واصلا اخذت اللقاحين ورا بعض بينهم 21 يوم
بس صايرة اهوجس واقول يمكن مايعرف وهذا تطور للموضوع الوسواس اول كنت ابغى كلمة تطمني وانسى دحين ومستحيل اروح اكشف تاني انا رحت وانا ناااشفة من الخوف اصلا باين للأخصائي اني خايفة قاللي مافيك شي قلتلو طيب ارجع اتاكد بعد اسبوعين اعيد الاشعة قال مرررة مايحتاج وشيلي الافكار اللي في بالك ،،،ورجعت البيت افغصصص في منطقة الابط لين صرت امسك كور صغيرة وصارت ظاهرة عندي وادور في كل مكان حلقي رقبتي رجولي يدي زي المجنونة فعللل قهري،،وانتي الالم اللي تقولي عنه وحدة اعرفها زينا عندها نفس الالم وانا كان عندي حجر نفسي اصير اتواصل معاك خارج المنتدى كيف نقدر واتس او تلقرام عادي ،،ومن جد احنا نخاف من الامراض عشان كده اشياء مخزنة في عقلنا الباطن والله تعب تفكيرنا مرضنا