المشاركة الأصلية كتبت بواسطة ظل امرأة

صباح الخير للجميع
الحمدلله ع سلامتك سكون🌹
اول شي انا ما حذفت موضوع صفحة بيضا
انا بس فكيت التثبيت لانه خلص مافي داعي يضل مثبت
وتاني شي انا ما قررت اتجاهلك ولا قررت أقسى عليكي
الحمدلله اني ما بقدر اعمل هيك اشي...
كل القصة مو قادرة لسا أقرب...
صرت اخاف من القرب على قد ما هالقرب بيئذيني
مشكلتي اني لما احب حدا بحبو بكل جوارحي
وانا حبيبتك هاد الحب كنتي بقلبي وروحي وفكري
عايشة معي وين ما بروح..ساكنة جواتي لدرجة اني ما بقدر افقدك
ببكي وبفرح معك..حاسة انك من مسؤوليتي
لازم آخد بالي منك وما تغيبي عن عيني
يمكن أعطيت حالي حق زيادة بشأنك
يمكن انا غلطانة..بس هيك انا شو اعمل
بحب بصدق..ما بجامل بمشاعري واحاسيسي..
بحكي اللي بقلبي بدون حساب بتصرف بعفوية مع اللي بحبهم
كل همي كيف اقدر اسعدك واضحكك
كأني موجودة كرمالك..
المشكلة حسيتك نفس الشي وصدقتك
وصدقت وعودك وندمك...وفتحت صفحة نضيفة بيضا معك
وكأنك ما غبتي اللي غبتيه...
وفجأة من غير سابق إنذار وبكل بساطة
بتحكيلي رح أغيب ويمكن ما ارجع!
تصوري الصدمة..ضبطت حالي ما قدرت احكي
وبعدين صرت افرغ غضبي وزعلي يمين شمال
مشان ما ضل مكبوتة ومقهوره..
طيب ماشي عندك ظرف قاهر
عالقليلة ابعتيلي رسالة خاصة
ما تخبريني تفاصيل..انا احترم الخصوصية
بس عالقليلة خليني حس اني مستثنية عندك
قوليلي ياسمين رح اضطر أغيب غصب عني
وان شاءالله ما بطول ادعيلي يا حبيبة روحي
ومن هالحكي..مشان اكون معك قلبا وقالبا
ومشان ما يصير متل المرة الماضية
اذا انا غلطانة احكيلي غلطانة بعينك
اذا ما معي حق احكيلي...
بس وقتها حسيت حالي شخص عادي وبتخبريه انك رايحة...
ولا كأنه في محبة ومودة بيننا..
كأني انا ولا شي...
وانا اللي وهبت نفسي ووقتي ووجودي عشان اسعدك ونسعد كلنا..
على العموم برغم كل شي صار
وبرغم كل الظروف
مع انه اعتقد شو ما يمر ظروف عالانسان
ما بغيب فترات طويلة الا اذا هو بدو يبعد..
بس ومع هيك وعشان اخلص ضميري وأخلي ذنبي منك
اذا انتي فعلا يا أميرة كانت ظروفك قاهرة
وصعبة لدرجة مو قادرة تفوتي نفساني
مسامحتك..وانتي سامحيني..
وبعتذر عن أي شعور بدر مني سبب لك أي ضيقة🌹