نفساني - عرض مشاركة واحدة

16-03-2023, 08:23 PM

السلام عليكم ورحمة الله وبركاته

حياكم الله جميعا اخواني الكرام كلن باسمه و مكانته

هلا بك اخونا محمد و الف لا باس عليك

انت ماشاء الله تبارك الله سبق مريت بذي المرحلة مرحلة تبديل العلاجات و الحمد لله تجاوزتها .. و بإذن الكريم تبي تتجاوزها لأنك قدها و قدود ..

بالنسبة للبكا و الدموع يمكن تفكر إني ابالغ اني يوميا في فترة الظهر ابكي .. أوم المسكة : )

يبدأ القلق و التوتر و الخوف و الخفقان من الصباح لين ينعصر قلبي عصر مع الظهر ثم تهل الدموع

أقرب ما يكون للمخاض .. مع اني مدري وش هو ؟

لكن الفرق انه مخاض من القلب سبحان الله

من جد أسوأ حالاتي لدرجة ما اقدر اركز بشي ، وقتها احاول اتحرك كثير و اشتغل بالبيت حتى اتناسى ..

و الغريب اني يوم اتناول حبتين من بنادول إكسترا استعجل الدموع ، تبدأ تهل بعدها بساعة ساعتين يعني قبل الظهر .. و سبق سألت الأعضاء قالوا عشان مادة الكافيين .. طيب ما تهل دموعي يوم اشرب قهوة او شاي

و بعد وصلة الدموع هذي استسلم لنوم عميق حتى لو مدته نصف ساعة ثم اقوم مجهدة

ما ابالغ لو اقول ان عيوني و قلبي يوجعوني من البكا .. لاني احس اني ابكي من قلبي مو من حلقي

و مع ذلك ماني قادرة ارجع لدوامة العلاجات ذيك .. الله لا يعودها .. و يعافينا جميعا و يعافي كل موجوع

ظل امرأة معجب بهذا