نفساني - عرض مشاركة واحدة

19-04-2023, 10:33 AM

البارحة ربي كتب لي و مرّيت
دربٍ عليه دروب الأحباب لاحت

جيت المكان اللي جمعنا و خفّيت و قامت جروحي للجوارح و صاحت

و اِلتم غيم الدمع من يوم لفّيت
و ورقا القصيد لشوفة الغيم ناحت

ياليتني في لفة الدرب زليت
كان العيون من الدموع استراحت

حارت دموعي في عيوني و صديت
و ارمست ابيها ما تبيّن و طاحت ، عقبه بَرَق في العين برّاق و اسقيت خدّي و وناتي تلاحت

و انا احسب اني في فراقه تعافيت و ان عبرتي من مدخل الزاد زاحت

اللي يحسب اني على البعد سجّيت ، و إلا ان عيوني للرقاد استباحت ، ياليتني من قبل لى أحبه أقفيت ، و إلا ان دروبي عن دروبه تناحت .

أهوّن علي من البكا و التناهيت و اسلا عن سدودٍ على الناس باحت .

قولوا له اني عقب بعده تدانيت
و رجلي عن دروب المعافين شاحت

البعد نار و طاعة العذل كبريت
يقصر على بعده ترى الكبد فاحت