نفساني - عرض مشاركة واحدة

22-04-2023, 10:31 AM

هنا يرثيها الزوج الوفي :

حاولت أنام و حاربت عيني النوم
و جريت صوتٍ مثل صوت الذيابة

الجفن كنه صار ضايق و مهزوم
و دموع عيني مثل رش السحابة

على وليف قالوا اليوم مرحوم
فارق و راح و ما تهنى بشبابه

زرت القبور اللي على بعضها ارسوم
و خطيت رسم فوق ذيك النصابة

قلبي من الدنيا عليه مرسوم
و الرسم توه عقب خط الكتابة

أحبها .. مير القدر صار مقسوم
و يحبها كل الأهل و القرابة ..

الموت أخذها و اودع القلب مثلوم
جرح عميق ما يداوي صوابه ..

الموت أخذ شجعان و ارخوم و قروم
وأخذ رسول الله و .. باقي الصحابة

صلى الله عليه وسلم و رضي الله عن صحابته الكرام و أمهات المؤمنين ..

سبحان الله مدري ليش طريناها اليوم يمكن عشان نترحم عليها و على موتى المسلمين

اسأل الله ان يرحمها و يرحم موتانا و موتى المسلمين و يجعلهم جميعا من أصحاب الفردوس الأعلى .. اللهم آمين