نفساني - عرض مشاركة واحدة

01-05-2023, 09:58 PM

الله يحييكم سيم سيم الطبيعة و صامدة .

طلعت من البيت و طبّني فرح و استمر الفرح لين رجعت البيت و غادر الفرح . المهم جبت لكم ذي قبل شوي ، علشاني كنت فرحان شليتها و رميتها متعودة علي أحيان اسويبها كذا 😂

سادحة كان ذا قبل يومين او ثلاثة

شوي بروح أزور كلبة كانت فترة من طويلة تشوفني و تنبح علي حتى جيت قبل ايام و سبحان الله كان فاصل بيني و بينها جدار و انتهى الجدار و شافتني و خرعتني بنباحها لأني ما شفتها و كان بالي سارح إلا سويت لها حركة و استجابت و استامنت و انتهى حربنا أنا و اياها و صرنا اخويا . اذكر مرة نبحت علي من مسافة بعيدة و جابت لي القهر و على طول اخذت حصاة كبيرة ناويها ب شر ، بس بعد شوي بسوي بيض مسلوق و اروح لها . قسما بالله و أبصم و أوقع و أختم ان ذي الكلبة اشرف و أنظف من عشرات الناس اللي حولي . ما أقارن أبدا حشرات ب كلبة ، الحشرات تنداس أما ذي فأخوها ذكرها الله في القرآن و كرر ذكرها مع أهل الكهف المؤمنين و بعد ما ننسى بغيّ من بني إسرائيل غفر الله لها بسبب كلب .

كان عندي و انا صغير كم جرو و معطي اخوياي كل واحد له واحد و أنا مستفرد بواحد لونه أسود كتم و مريّش . الحين ما عاد احب الجراوه مثل ما كان زمان و لا حتى أتمسك بالكلاب البلدية ، قلبي مال للكلاب الشرسة زي الكانجال و البوليسي و الجيرمن و القوقازي .

الساعة عشر حكم تو الليل بدري