نفساني - عرض مشاركة واحدة

22-05-2023, 09:41 PM

السلام عليكم ورحمة الله وبركاته

أسعد الله جميع اوقاتكم بكل خير اخواتي اخواني الكرام كلن باسمه ..

ليش يا ابو نجلا وين رايح ؟

سامحوني على القطاعة

غصب عني صايرة صديقة نفسي من تالي ..

ما عاد بالدنيا أمان و الله المستعان

شفتكم اخر شي تكلمتوا عن العين .. كأنكم جيتوا على الجرح .. لكن الفرق مو أنا اللي أخاف من العين و لله الحمد .. دام متحصنة و قارية وردي و متكلة على ربي ماهو صايبني شي يضرني إلا بأمر ربي ..

لكن اللي نحشني من الخلايق وسوسة الكثيرين منهم بالعين .. يخافون حتى من ظلالهم .. و ينكرون كل نعمة ربي أنعمها عليهم لدرجة ادعاء المرض و الفاقة و التعاسة نسأل الله السلامة

شي مرعب .. لدرجة بالكاد ينطقون كلمة الحمدلله اذا سألتهم عن الحال السؤال الروتيني و تلقى وراها أنواع الحروف اللي تغص بالشكوى و الذل و السخط و العياذ بالله

ما يخافون من : لا تمارضوا فتمرضوا فتموتوا

مدري مين أفتى لهم بجواز الكذب و جحود نعم ربهم و العياذ بالله مخافة العين

هذا مرض إلا موت و العياذ بالله

مع إني و لله الحمد بدون مدح لنفسي ذكر الله على لساني طوال الوقت بشهادة الغير .. غير إني ما احب اسأل و استفسر الا اذا اللي قدامي تكلموا عن أنفسهم و أحوالهم لأني ما احب احرج نفسي قبل احرج الغير ..

بالله كيف الواحد بعد كذا يصادقهم او يثق فيهم .. اللي يتوقع انك تحسده معناه يتوقع إنك تغدر به .. و هل بين الأصدقاء و الاخوان في الله غدر .. أجل وش الداعي ، بلاها الصداقة و الأخوة هذي .. اصادق نفسي أفضل

ودي اكتب أكثر بس النعاس استبد بي ، من قبل الفجر و انا صاحية

لي عودة بإذن الله تعالى

بس وش رايكم بصداقة الإنسان لنفسه ؟

ظل امرأة معجب بهذا